अपहरणकारीसँग भिडन्तै भएको प्रहरी दाबी, गृहमन्त्रीले भने छानविन हुन्छ

बालकको अपहरण र हत्या गरेका अपराधीलाई भिडन्तको नाममा गोली हानिएको घटनाका विषयमा गृहमन्त्री रामबहादुर थापाले चासो व्यक्त गरेका छन् । उनले काँडाघारीको घटनामा के भएको हो भनेर जिज्ञासा राखेका छन् । उनी विदेशमा भएको बेला यता अपहरणको घटना भएको थियो । नेपालमा फर्किएपछि बिहीबार गृहमन्त्री थापाले प्रहरी महानिरीक्षक सर्वेन्द्र खनालसहित घटनाका सम्बन्धित प्रहरी अधिकारीलाई बोलाएर बालक अपहरणमा संलग्न भनिएका व्यक्तिहरुको ईन्काउन्टरबारे जानकारी लिएका छन् । गृहमन्त्री थापाले बालकको सकुशल उद्धार हुन नसक्नुको कारण र अपहरणकारी भनिएका व्यक्तिहरुलाई के कति कारणले गोली नै हानेर मार्नुपर्ने अवस्था आयो भनेर जवाफ मागेका थिए । यसको प्रतियुत्तरमा प्रहरी मिहानिरीक्षक सर्वेन्द्र खनालले अपहरणकारीले बच्चाको हत्या गरेर भागेको र खोजी गर्ने क्रममा सूर्यविनायकको जंगलमा भेट्दा उनीहरुले गोली चलाएपछि आत्मरक्षाका लागि आफुहरुले पनि फायर खोलेको जवाफ दिएका थिए । यस विषयलाई लिएर मानव अधिकारवादीहरुले प्रहरीको आलोचना गरेका छन् । तर, सर्वसाधारणले अपहरणकारी भनेर थाहा पाइसकेपछि मारेको नै भएपनि त्यो ठीकै गरकेो भन्ने प्रतिक्रिया दिएका छन् । यस विषयमा परिवारले मानव अधिकार आयोगमा पनि उजुी दिएको छ ।

(Visited 1,523 times, 1 visits today)

सम्बन्धित समाचारहरू

सिड्नीमा प्रथम ओसेनिया विज्ञ सम्मेलन आयोजना हुँदै, नेपालको विकास केन्द्रमा (भिडियोसहित)
एक सातापछि अष्ट्रेलिया जान लागेकी युवतीको प्रेमीबाट हत्या !
अष्ट्रेलियाका खडेरीपीडित किसानलाई नेपाली समूदायले सहयोग गर्ने, एनआरएनले लियो अग्रसरता
नेपाल र अष्ट्रेलिया परामर्श बैठक काठमाडौंमा, राजदूतले उठाइन् विद्यार्थीको समस्या
गंगामायाको छोरो नूरप्रसादबारे नयाँ खुलासा, श्रीमती र छोराको विजोग !
आर्थिक संकटमा एनआरएन अष्ट्रेलिया, अघिल्लो नेपाल महोत्सवकै ३५ हजार डलर बजारमा बक्यौता
विद्यार्थीले सातामा २० घण्टाभन्दा बढी काम गरेको भेटेपछि विमानस्थलबाट फिर्ता, भिसा रद्द
अष्ट्रेलियामा खडेरीले सर्पको जोखिम बढायो, सतर्क रहन आग्रह
दोश्रो बन्दै मेलबर्नले गुमायो मष्ट लिभेवल सिटीको ताज, यस पटक भियना एक नम्बरमा !
नेपाली क्रिकेटमा सघाउँदै एक्सपर्ट एजुकेशन, पारस खड्का बने एक्सपर्टको ब्रान्ड एम्बेसडर
English