अर्थराज्यमन्त्री उदयशमशेर राणा अष्ट्रेलिया आउँदै, कर्मचारीको टोली पनि साथमा

अर्थराज्यमन्त्री उदयशमशेर राणा शुक्रबारदेखि अष्ट्रेलिया भ्रमणमा आउने भएका छन् । अष्ट्रेलियाको सिड्नी, क्यानबेरा र ब्रिसबेन गरी तीन शहरको करिब एक साता लामो भ्रमणमा उनको साथमा अर्थ मन्त्रालयका उपसचिव र सहसचिव समेत रहनेछन् । यसबाहेक टिममा अरु को को समावेश छन् खुलेको छैन । अष्ट्रेलियास्थित दूतावासले यो भ्रमणको पुष्टि गरेको छ । क्यानबेरामा रहेका दूतावासका डेप्युटी चिफ अफ मिशन राजेन्द्र पाण्डेका अनुसार या भ्रमणको विषयमा सोमबारमात्र जानकारी मन्त्रालयमा आएको हो । पाण्डेले मंगलबार भने, “हिजो मात्रै परराष्ट्र मन्त्रालयबाट जानकारी आएको छ । हामी यहाँ भेटघाटको कार्यक्रम मिलाउन प्रयास गर्दैछौं ।” तर, एनआरएन अष्ट्रेलियाले भने ५ तारिखकै मितिमा आफ्ना अधिकारीहरुलाई आन्तरिक सर्कुलर जारी गर्दै विभिन्न राज्यमा अन्तरक्रिया कार्यक्रमहरु आयोजना गर्न भनेको छ । एनआरएन अष्ट्रेलियाका महासचिव नारायण कोइरालाको तर्फबाट जारी गरिएको आन्तरिक पत्रमा ९ फेब्रुअरीको दिन सिड्नी आइपुग्ने अर्थराज्यमन्त्रीसँग १० तारिख शनिबार विहान १० बजेतिर अन्तरक्रिया गर्ने उल्लेख छ । एमएनटीभीसँग कुरा गर्दै महासचिव कोइरालाले ब्रिसबेनमा पनि अन्तरक्रिया कार्यक्रम आयोजना गर्ने तयारी भएको बताए । एनआरएन अष्ट्रेलियाका प्रवक्ता डिला खरेलले अर्थ राज्यमन्त्री राणासँग नेपालमा वैदेशिक लगानी, अहिलेको पछिल्लो राजनीतिक घटनाक्रम लगायतका विषयमा नेपाली समूदायका सदस्यहरुसँग अन्तरक्रिया हुने जानकारी दिएका छन् । “उहाँहरुको अनुरोधमा हामीले अन्तरक्रिया कार्यक्रम राखेका हौं । नेपाल सरकारका मन्त्रीको साथमा गरिने अन्तरक्रियाबाट पक्कै पनि यहाँका व्यवसायीसहित नेपाली समूदाय लाभान्वित हुनेछ ।” खरेलको भनाई छ । हालै निर्माण भएको नेपालमा सामूहिक लगानी सम्बन्धी टास्कफोर्सले अर्थराज्यमन्त्रीसँग अन्तरक्रिया कार्यक्रमको संयोजन गर्ने बुझिएको छ ।

(Visited 1,871 times, 1 visits today)

सम्बन्धित समाचारहरू

सरकारले ल्यायो नीति र कार्यक्रम, रोजगार सिर्जनादेखि उत्पादकत्व बृद्धिसम्मको प्रतिबद्धता
कमनवेल्थ गेम्समा अष्ट्रेलिया आएका २ सयभन्दा बढी खेलाडीबाट शरण माग, ५० बेपत्ता
ट्याक्सीमा चढ्दा बिल माग्नुस्, मिटरमा प्रिन्टर जडान नगरेका ट्याक्सीमाथि हुँदैछ कारवाही
चम्कियो नेपाली ठीटो, सन्दिपले लिए आईपीएलमा तीन विकेट
क्युवा विमान दुर्घटनामा मृत्यु भएका १०७ जनाको सम्झनामा दुई दिन राष्ट्रिय शोकको घोषणा
ह्यारी र मर्केलको विवाह सम्पन्न, विश्वभरबाट ६ सय विशिष्ट पाहुना सरिक
नेकपाको संसदीय दलको पहिलो बैठक, विकासमा जुट्न सांसदहरुलाई प्रधानमन्त्रीको निर्देशन
अष्ट्रेलियाको शिक्षा क्षेत्रमा पहुँच बढाउँदै नेपाली, सुरु भयो किङ्स फोर्ड ईन्टरनेशनल कलेज
जनतालाई धोका नदिने पार्टी बनाउने ‘प्रचण्ड’ को प्रतिबद्धता
हवाईजहाजमा दुईवटा पाईट हुन्छन्, कम्युनिष्ट पार्टीमा पनि अध्यक्ष त्यस्तै हो : ओली
English