आर्थिक संकटमा एनआरएन अष्ट्रेलिया, अघिल्लो नेपाल महोत्सवकै ३५ हजार डलर बजारमा बक्यौता

गैरआवासीय नेपाली संघ अष्ट्रेलिया यतिबेला चरम आर्थिक संकटमा छ । संस्थाका पदाधिकारीहरु नियमित कामका लागि समेत फन्ड नभएको गुनासो गर्दछन् । तर, बजारबाट ३५ हजार डलरभन्दा बढी बक्यौता उठ्न बाँकी रहेको नयाँ तथ्यांक सार्वजनिक भएको छ । एनआरएन अष्ट्रेलियाले यसअघि सिड्नी र मेलबर्नमा गरेको नेपाल महोत्सवमा प्रायोजन गरेवापतको यतिधेरै रकम बक्यौता रहेको खुलेको हो । एनआरएन अष्ट्रेलियाका प्रवक्ता एवं पूर्वकोषाध्यक्ष डिला खरेलका अनुसार एनआरएन अष्ट्रेलिया न्यूसाउथवेल्स राज्य समितिको आयोजनामा २०१६ मा आयोजना गरिएको नेपाल महोत्सवमा १ लाख २१ हजार ३ सय विभिन्न शीर्षकमा आम्दानीका रुमा दर्ज भएपनि यसमध्ये ९४ हजार ९ सय डलर मात्रै उठेको हो । बजारबाट उठ्न बाँकी २६ हजार बक्यौता रहेको छ । यस्तै एनआरएन अष्ट्रेलियाले मेलबर्नमा आयोजना गरेको नेपाल फेष्टिभलको पनि उठ्न बाँकी रहेको रकम ९ हजार डलर रहेको छ । एनआरएनका उपाध्यक्ष एवं भिक्टोरिया संयोजक केशव कँडेलले नयाँ महोत्सवको तयारी सुरु भएको बताए । “पुरानो बक्यौताका सम्बन्धमा पनि हामी उठाउने प्रयास गरिरहेका छौं”, उनले भने । एनआरएन अष्ट्रेलियाका कोषाध्यक्ष अच्युत शर्मा थपलिया आफुलाई बक्यौता रकमबारे यसअघिको कोषाध्यक्षले कुनै बुझ बुझारथ नगरेको बताउँछन् । “अहिलेको आर्थिक पक्षबारे म बोल्न सक्छु । तर, यसअघि कति थियो, कति उठ्न बाँकी हो भन्ने विषयमा मैले केही बताउन सक्दिन । मलाई नै केही हिसाब दिइएको छैन कसरी बुझाउने होला ।” कोषाध्यक्षको यस्तो भनाई आइरहँदा हामीले ब्रिसबेनमा आयोजना गरिएको नेपाल महोत्सवको बाँकी बक्यौता कति छ भनेर उपाध्यक्ष एवं क्वीन्सल्याण्ड संयोजक सन्तोष कुँवरलाई सोधेका थियौं । उनले ब्रिसबेनमा यसअघि नेपाल महोत्सव आयोजना गर्दा कबोल गरेको प्रायोजन रकम सबै उठिसकेको जानकारी दिए । उता एडिलेडमा भने उपाध्यक्ष अशोक केसीले नेपाल महोत्सवको बकयौताका विषयमा आफुलाई जानकारी नभएको प्रतिक्रिया दिए । यसअघिका संयोजक नवीन कँडेललाई हामीले सम्पर्क गरेको थियौं । उनले बक्यौता रकम नरहेको प्रतिक्रिया दिए । एनआरएन अष्ट्रेलियाका अध्यक्ष टोनु घोतानेले बक्यौता रकममध्ये केही मौखिक समझदारीमा समेत प्रायोजन गरेका कारण उठाउन नसकिएको बताए । उनले सकेसम्म छिटो बक्यौता रकम उठाउने आफुहरुको प्रयास रहेको बताए । एनआरएन अष्ट्रेलियाले वाक फर वेलफेयर कार्यक्रम आयोजना गरेर अष्ट्रेलियाभर अभियान गर्दा जम्मा ४० हजार डलर उठेको थियो । यता नेपाल महोत्सवको बक्यौता नै ३५ हजार डलर रहेको देखिएपछि आर्थिक पक्षमा प्रभावकारी कदम आवश्यक देखिएको छ ।

(Visited 1,936 times, 1 visits today)

सम्बन्धित समाचारहरू

दुलहीजस्तै सिंगारिए छठ घाट
पत्नी सीताको उपचारका लागि म्याग्दी पुगे प्रचण्ड, तातोनी कुण्डमा विताए दुई घण्टा
प्रधानमन्त्रीको परराष्ट्र सल्लाहकारमा डा. राजन भट्टराई नियुक्त
बालिका र युवतीमाथि सात युवकले गरे सामूहिक बलात्कार, सातै फरार
छठको तयारी तीव्र
न्याय माग्दै धर्ना, न्याय नपाए प्रशासन कार्यालय अगाडि प्राण त्याग्न तयार
मेलबर्नमा छुरा आक्रमणकारी हुसेन खालिफको पासपोर्ट सन् २०१५ मै रद्द गरिएको खुलासा
शरणार्थीको मामिलामा डोनाल्ड ट्रम्प कठोर, मेक्सिकोतिरबाट आए सिधै आउट
२०१९ मा हुने महिला विश्वकप फुटबल प्रतियोगिताका लागि अहिले नै लाखौँ टिकट बिक्री
भाईटीका लगाउनै नेपाल आइपुग्छन् विदेशी पर्यटक, अन्तरदेशीय सम्बन्ध जोड्दै भाइटीका
English