कोरियामा सुरु भयो हिउँदे ओलम्पिक, यस्तो छ अष्ट्रेलियाबाट दिक्षामार्फत नेपाली मनमा जोडिएको खुशी

आज फेब्रुअरी ९ बाट दक्षिण कोरियाको पोङचाङमा हिउँदे ओलम्पिक सुरु भएको छ । यस पटकको ओलम्पिकमा सबैभन्दा बढी चर्चाको विषय उत्तर कोरियाको सहभागिता बनेको छ । आणविक अस्त्रले विश्वलाई नै थर्कमान बनाइरहेको उत्तर कोरियाको यो सहभागिता शान्तितर्फको एउटा पाइला बन्न सकोस् भन्ने धेरैको कामना छ ।तर, अष्ट्रेलियाको नेपाली समूदाय भने अर्को एउटा कारणले पनि थप खुशी बनेको छ । १४ वर्षीय नेपाली दिक्षा रावल अष्ट्रेलियाबाट ओलम्पिक ज्योतिलाई रिले गर्ने टिमको एक सदस्यमा छनोट भएकी छिन् । उनले आफ्नो यो कार्य सम्पन्न गरिसकेकी छिन् तर आज झन् त्यो खुशी ताजा भएको छ । एमएनटीभीसँग कुरा गर्दै न्यूसाउथवेल्सको गोसफोर्डमा बसोबास गर्ने दिक्षा भन्छिन्, “धेरै खुशी लाग्यो । ओलम्पिकको टर्च बोकेर यसको शुभारम्भको तयारी गर्न पाउँदा खुशी लाग्नु स्वाभाविक पनि हो । अझ बढी खुशी त म अष्ट्रेलियाबाट ओलम्पिक टर्च छनोट भएका ५ जनामध्ये एकजना थिएँ । अनि, अष्ट्रेलियाबाट प्रतिनिधित्व गरेपनि मेरो नामसँगै मेरो देशको झण्डा थियो ।” ओलम्पिकको ज्योति बोक्नका लागि उनको छनोटको कथा नेपालको महाविनाशकारी भूकम्पसँग जोडिन्छ । उनले आफ्नो नारारा हाईस्कूलमा भएको एक कार्यक्रममा लेखेको निबन्ध भूकम्पको बारेमा थियो । उनको लेखाईबाट शिक्षकहरु यति धेरै प्रभावित भए कि उनीहरुले दिक्षालाई विशेष ध्यान दिन थालेका थिए । यही क्रममा ओलम्पिकको मुख्य प्रायोजक सामसुङले ओलम्पिक टर्च बोक्ने विश्वभरिका ७ हजार ५ सयमध्ये उनलाई पनि छनोट गरेको थियो । अष्ट्रेलियाबाट छानिएका अन्य चार जना कोही कम्पनीका सिईयो थिए भने कोही कम्पनीका वैज्ञानिक । उनी एकमात्र विद्यार्थी थिइन् । कक्षा ९ मा पढ्दै गरेकी दिक्षा रावल केही दिनअघि सकिएको आफ्नो यो कामपछि यतिबेला अष्ट्रेलिया फर्किसकेकी छिन् । उनी हिउँदे ओलम्पिक आफ्नै घरबाट हेर्नेछिन् । तर, उनले पाएको अपूर्व अवसर नेपाली समूदायको निम्ति गौरवको विषय बनेको छ । यहाँका स्थानीय पत्रपत्रिका र टेलिभिजनहरुले उनको कथासँगै विद्यार्थीका रुपमा यहाँ आएका उनका अभिभावकहरुको कथा पनि प्रस्तुत गरेको थियो । उनका बुबा यज्ञ रावल यो अवसर खुशीको अवसर भएको बताउँछन् । परिवारमात्र होइन यतिबेला पूरै उनीहरु बसोबास गरिरहेको नरारा भ्यालीको अष्ट्रेलियन समूदाय नै दिक्षाप्रति गर्व गरिरहेको छ । फेब्रुअरी २५ तारिखसम्म चल्ने हिउँदे ओलम्पिकको यो तेइसौं संस्करण हो । विभिन्न ९२ देशबाट २ हजार ९ सय ५२ खेलाडीले यस ओलम्पिकमा सहभागिता जनाउँदैछन् ।

Dikshya Rawal Holding Olympic Tourch for SAMSUNG ! Photo … Supplied

(Visited 1,078 times, 1 visits today)

सम्बन्धित समाचारहरू

सरकारले ल्यायो नीति र कार्यक्रम, रोजगार सिर्जनादेखि उत्पादकत्व बृद्धिसम्मको प्रतिबद्धता
कमनवेल्थ गेम्समा अष्ट्रेलिया आएका २ सयभन्दा बढी खेलाडीबाट शरण माग, ५० बेपत्ता
ट्याक्सीमा चढ्दा बिल माग्नुस्, मिटरमा प्रिन्टर जडान नगरेका ट्याक्सीमाथि हुँदैछ कारवाही
चम्कियो नेपाली ठीटो, सन्दिपले लिए आईपीएलमा तीन विकेट
क्युवा विमान दुर्घटनामा मृत्यु भएका १०७ जनाको सम्झनामा दुई दिन राष्ट्रिय शोकको घोषणा
ह्यारी र मर्केलको विवाह सम्पन्न, विश्वभरबाट ६ सय विशिष्ट पाहुना सरिक
नेकपाको संसदीय दलको पहिलो बैठक, विकासमा जुट्न सांसदहरुलाई प्रधानमन्त्रीको निर्देशन
अष्ट्रेलियाको शिक्षा क्षेत्रमा पहुँच बढाउँदै नेपाली, सुरु भयो किङ्स फोर्ड ईन्टरनेशनल कलेज
जनतालाई धोका नदिने पार्टी बनाउने ‘प्रचण्ड’ को प्रतिबद्धता
हवाईजहाजमा दुईवटा पाईट हुन्छन्, कम्युनिष्ट पार्टीमा पनि अध्यक्ष त्यस्तै हो : ओली
English