चितवनमा किशोरीमाथि सामूहिक बलात्कार गरेको आरोपमा पाँचजना पक्राउ

सामूहिक बलात्कारको घटनामा संलग्न रहेको आरोपमा प्रहरीले पाँच जनालाई पक्राउ गरेको छ । जिल्ला प्रहरी कार्यालय चितवनले साउन ३० गते उनीहरुलाई पक्राउ गरेको जनाएको छ । जिल्ला प्रहरी कार्यालय चितवनका सूचना अधिकारी प्रहरी नायब उपरीक्षक शिव शर्मा आचार्यका अनुसार पक्राउ पर्नेमा गैँडाकोट नगरपालिका–४ बस्ने २१ वर्षीय युवराज सारु मगर, वडा नं २ बस्ने १९ वर्षीय सैन्थील धिमाल, भरतपुर महानगरपालिका–११ बस्ने २० वर्षीय आकाश थापा, भरतपुर महानगरपालिका–२९ बस्ने ३५ वर्षीय अर्जुन बिक र १७ वर्षीय युवक रहेका छन् । उनीहरुले प्यूठान जिल्ला घर भई भरतपुर आफन्तकामा बसेर काम गर्दै आएकी किशोरीमाथि साउन ३० गते भरतपुर महानगरपालिका–११ बसेनीमा रहेको डिएसएम मिनरल वाटर कम्पनीमा लगी सामूहिक बलत्कार गरेको आरोप लागेको छ ।
उनीहरुले बालकसँग सामान्य चिनजान भएकी उनलाई दिउँसो ३ बजे नारायणगढको पुल्चोक पु¥याइदिने भन्दै म्याजिकमा लगेका थिए । म्याजिकका सहचालक र म्याजिक चालक आकाश थापाले दिनभर अनेक बहाना बनाई साथमा नै लिएर हिँडेको प्रहरीले जनाएको छ । दिनभरसँगै लगेपछि रातको समयमा किशोरीलाई मिनरल वाटर कम्पनीमा लगी मादकपदार्थ सेवन गराई सामूहिक रुपमा बलात्कार गरेको जाहेरीमा उल्लेख छ । बालिकाको प्रारम्भिक अनुसन्धान र जाहेरी हेर्दा पाँच युवाको संलग्नता देखिए पनि विस्तृत अनुसन्धानपछि मात्र थप पुष्टि हुने आचार्यले बताउनुभयो । उनीहरुलाई पाँच दिन म्याद थप गरी अनुसन्धान भइरहेको प्रहरीले जनाएको छ ।

(Visited 1,459 times, 1 visits today)

सम्बन्धित समाचारहरू

बालिका र युवतीमाथि सात युवकले गरे सामूहिक बलात्कार, सातै फरार
पर्थमा ९५ लाख डलरको अवैध चुरोट बरामद, २५ वर्षीय युवा समातिए
सय दिन पुग्यो बलात्कार र हत्याको, निर्मला पन्तको अपराधी अझै भेटिएन
नेपालमा शिकार खेलेको धाक लगाउँदा एक विद्यार्थी अमेरिकाबाट डिपोर्ट हुने खतरामा
युएईमा नेपाली युवतीको फाईट, एकजनाको ज्यान गयो चार जना घाइते
निर्मला पन्तको बलात्कारपछि हत्या काण्डको अनुसन्धानमा लापर्वाही ठहर, एसपी विष्ट र ईन्सपेक्टर भट्ट बर्खास्त
मोबाईल फोनमा बालबालिकाको अश्लिल दृश्य राखेका विद्यार्थी पर्थको विमानस्थलमै पक्राउ
फेरि मुस्ताङ लगिदैछ गुन्डा नाइके समीरमान बस्नेतलाई ?
क्षतिपूर्तिमा सहमति नभएपछि सडक दुर्घटनामा मृत्यु भएका बालकको शव अस्पतालमै
तेजाव आक्रमणमा परेकी रौतहटकी सम्झनाको निधन, पासवान प्रहरी अनुसन्धानमा
English