चुनावमा शर्मनाक पराजय भएपछि मलेसियाका पूर्वप्रधानमन्त्रीबाट प्रमुख पदबाट राजीनामा

मलेसियाका पुर्वप्रधानमन्त्री नाजिब राजाकले आफ्टो पार्टी र गठबन्धन निर्वाचनमा पराजीत भएकाले पार्टी र गठबन्धनको प्रमुख पदबाट राजीनामा दिनुभएको छ ।
निर्वाचनमा पार्टी र गठबन्धन पराजीत हुनु नेतृत्वकर्ताको हैसियतले आफ्नो मुख्य कमजोरी भएको बताउदै उहाँले पार्टीको अध्यक्ष र गठबन्धनको सभापति पदबाट शनिबार राजीनामा दिएको घोषणा गर्नुभएको हो । “युएमएनओको अध्यक्ष र बारिसान नेशनलको सभापति पदबाट मैले राजीनामा दिने निर्णय गरेको छु, अव नयाँ नेता आएर यसलाई प्रभावकारी बनाउनुपर्छ,” क्यावालम्पुरमा आयोजित पत्रकार सम्मेलनमा उहाँले भन्नुभयो । निर्वाचनमा आफ्नो पार्टी र गठबन्धनले पराजय भोगेकाले आफूले राजीनामा दिनु आफ्नो नैतिक जिम्मेवारी भएको उहाँले पत्रकारहरुसँग बताउनुभयो । नाजिब सन् २००९ देखि केहीदिन अगाडी सम्म मलेसियाको प्रधानमन्त्री बन्नु भएको थियो । यस अवधिमा उहाँले शक्तिको दुरुपयोग गरेको र भ्रष्टाचार गरेको आरोप लगाइएको थियो ।
उहाँले भ्रष्टाचार गरेको र पदीय शक्तिको दुरुपयोग गरेको आरोपकै कारण हालै भएको निर्वाचनमा उहाँको पार्टी र गठबन्धन पराजीत भएको हो ।
यही आरोपमा नयाँ सरकारले नाजिब र उहाँको परिवारका सदस्यहरूलाई देश छाड्न प्रतिबन्ध पनि लगाएको छ । मलेसियाको आप्रवासन विभागल पराजयपछि सत्ताबाट बाहिरिनु भएका पुर्वप्रधानमन्त्री रजाकलाई देश छाड्न प्रतिबन्ध लगाइएको शनिबार जानकारी दिएको हो ।
विभागले आफूहरुलाई देशबाट बाहिरिन प्रतिबन्ध लगाएको सार्वजनिक भएपछि ट्वीट गर्दै नाजिवले लेख्नु भएको छ, “मैले त्यो निर्देशनलाई सम्मान गर्नेछु र म मेरो परिवारसँगै स्वदेशमै बस्ने छु ।”
यस निर्वाचनमा पाकाटन हारापन गठबन्धनले बहुमत ल्याएर गठबन्धनका नेता तथा पुर्व प्रधानमन्त्री माहाथिर मोहमदको नेतृत्वमा नयाँ सरकार पनि गठन गरिसकिएको छ ।

(Visited 19 times, 1 visits today)

सम्बन्धित समाचारहरू

वेष्टमिनिष्टरमा सडक दुर्घटना गराउने शंकाको घेरामा, प्रतिआतंकवाद टोलीले छानविन गर्दै
विहान सबेरै बेलायती शहरमा भएको गोली काण्डमा १० जना घाइते
साउदी अरेबियाको आक्रमणमा यमनका २९ बालबालिकाको मृत्यु
उत्तर कोरिया र अमेरिका अझै वादप्रतिवादमा, प्रतिबन्ध फुकाउन कोरियाको माग
गर्भपतनको कानून पास गर्न सकेन अर्जेन्टिनाको सिनेटले !
चिलीकी पूर्व राष्ट्रपति मिसेल ब्यासेलेट राष्ट्रसंघीय मानव अधिकार प्रमुखमा नियुक्त
इन्डोनेसियामा शक्तिशाली भूकम्प, सुनामीको चेतावनी
गुगलले चीनका लागि बनाउन लागेको ड्रागनफ्लाई के हो बुझनुस् !
अमेरिकी चुनाव प्रभावित गर्न फेरि फेसबुकको प्रयोग !
सहपाठी मारिएपछि बंगलादेशको सडकमा हजारैं विद्यार्थीको प्रदर्शन
English