जुन २२ मा एडिलेडमा गजल मुशायरा, १३ गजलकारको महफिल सजिदै !

कर्मभूमिमा देशको साहित्य प्रबद्र्धन र संरक्षण गर्नु कम्ति गाह्रो हुँदैन । कर्मभूमिमा कर्मले समय ओगट्छ अनि आफ्ना भावहरु अन्तर कुन्तरमा कतै चेपिएर, छेकिएर बस्छन् । तर, अष्ट्रेलियामा भने लामो समयदेखि यस्ता अन्तर कुन्तरमा रहेका भावनाहरुलाई प्रस्फुटित गराउने माध्यम बनेको छ गजल मुशायरा ।
गजल मुशायराका सफलतम श्रृंखलाहरु सम्पन्न गरिसकेको टिमले सिड्नीमा चार सफल श्रृंखलाहरू र ब्रिसबेनमा यौटा भव्य श्रृंखला पछि इनास साउथ अष्ट्रेलियाको प्रस्तुतिमा चर्चित सम्पूर्ण गजल कार्यक्रम गजल मुशायराको एडिलेड संस्करणको आयोजना गर्ने भएको छ । कार्यक्रम आगामी जुन २२ तारिख शुक्रबार साँझ बजेदेखि नर्थ एडिलेड कम्युनिटी सेन्टरको हलमा हुनेछ । कार्यक्रममा १३ जना गजलकारहरुको गजल वाचन, लाईभ गजल गायन तथा गजलमा नृत्य पनि समावेश हुनेछ । गजल वाचनमा यस पटक एडिलेडका गजलकारहरुलाई सिड्नी, ब्रिस्बेन, अल्बेरी लगायतका शहरबाट समेत सर्जकहरुले साथ दिने कार्यक्रमका संयोजक तथा इनास साउथ अष्ट्रेलियाका अध्यक्ष मिलन दाहालले बताए ।
मोती जयन्तीको अवसरमा २०१४ देखि सिड्नीमा सुरु गरिएको गजल मुशायरा कार्यक्रम गजल तथा साहित्य मन पराउने व्यक्तिहरु माझ अत्यन्तै लोकप्रिय कार्यक्रम भएको र एडिलेडको संस्करणले एडिलेडको साहित्यिक माहोललाई अझ तताउनेमा विश्वस्त रहेको जानकारी गजल मुशायरा सिड्नीका संयोजक जितेन्द्र मल्लले दिए ।

(Visited 33 times, 1 visits today)

सम्बन्धित समाचारहरू

सिड्नीमा प्रथम ओसेनिया विज्ञ सम्मेलन आयोजना हुँदै, नेपालको विकास केन्द्रमा (भिडियोसहित)
एक सातापछि अष्ट्रेलिया जान लागेकी युवतीको प्रेमीबाट हत्या !
अष्ट्रेलियाका खडेरीपीडित किसानलाई नेपाली समूदायले सहयोग गर्ने, एनआरएनले लियो अग्रसरता
नेपाल र अष्ट्रेलिया परामर्श बैठक काठमाडौंमा, राजदूतले उठाइन् विद्यार्थीको समस्या
गंगामायाको छोरो नूरप्रसादबारे नयाँ खुलासा, श्रीमती र छोराको विजोग !
आर्थिक संकटमा एनआरएन अष्ट्रेलिया, अघिल्लो नेपाल महोत्सवकै ३५ हजार डलर बजारमा बक्यौता
विद्यार्थीले सातामा २० घण्टाभन्दा बढी काम गरेको भेटेपछि विमानस्थलबाट फिर्ता, भिसा रद्द
अष्ट्रेलियामा खडेरीले सर्पको जोखिम बढायो, सतर्क रहन आग्रह
दोश्रो बन्दै मेलबर्नले गुमायो मष्ट लिभेवल सिटीको ताज, यस पटक भियना एक नम्बरमा !
नेपाली क्रिकेटमा सघाउँदै एक्सपर्ट एजुकेशन, पारस खड्का बने एक्सपर्टको ब्रान्ड एम्बेसडर
English