दुई उपप्रधानमन्त्री राखेर प्रधानमन्त्रीले भने, विकास र सम्बृद्धिको मुद्दा अगाडि बढाउँ

प्रधानमन्त्री केपी शर्मा ओलीले विकास र समृद्धिका मुद्दालाई अगाडि बढाउन सरकारले संविधान संशोधनदेखि लिएर पूरक बजेटसम्म ल्याउने बताउनुभएको छ ।
प्रधानमन्त्रीको अध्यक्षतामा राष्ट्रिय योजना आयोगमा बसेको राष्ट्रिय विकास समस्या समाधान समितिको बैठकलाई सम्बोधन गर्दै उहाँले “समृद्ध नेपाल र सुखी नेपाली” सरकारको मूल लक्ष्य भएकाले त्यो लक्ष्य पूरा गर्न कुनै कसर बाँकी नराख्ने बताउनुभयो । प्रधानमन्त्री ओलीले भन्नुभयो, “अबको हाम्रो प्राथमिकता विकास र सुशासन हो, त्यसका लागि सरकारको सबै संयन्त्र प्रयोग हुनुपर्छ र आवश्यकताअनुसार सबै कानून तथा नियम परिवर्तन गर्न सकिन्छ ।” सरकारले अगाडि बढाएका विकासका मुद्दालाई राज्यका सबै निकायले सहयोग गर्नुपर्नेमा जोड दिँदै प्रधानमन्त्री ओलीले सबै मन्त्रालय, संवैधानिक निकायसहित अन्य निकायले पनि विकास र समृद्धिको कार्यलाई रोक्न नहुने स्पष्ट पार्नुभयो ।
राष्ट्रिय विकास समस्या समाधान समितिका अध्यक्षसमेत रहनुभएका प्रधानमन्त्री ओलीले भन्नुभयो, “संवैधानिक निकायले विकास र समृद्धिलाई अल्झाउने होइन, समाधान गर्ने हो, सहयोग गर्ने हो ।” उहाँले नागरिकले तिरेको करमा आश्रित जोकसैले पनि राज्यले अगाडि बढाएका कार्यलाई सहयोग गर्ने हो, अवरोध गर्ने होइन भन्नुभयो । देशभित्र आउने सबै खाले अन्तर्राष्ट्रिय सहयोग राज्यको आवश्यकताअनुसार खर्च हुनुपर्ने स्पष्ट पार्दै प्रधानमन्त्री ओलीले देशको आवश्यकता र प्राथमिकताका अधारमा वैदेशिक सहयोग लिइने स्पष्ट पार्नुभयो । जनताका आधारभूत आवश्यकतालाई सम्बोधन गरेर आगडि बढ्नुपर्नेमा जोड दिँदै उहाँले पहिले सरकारले जनतालाई बासको व्यवस्था गर्ने बताउनुभयो । प्रधानमन्त्री ओलीले कति जनताको घर छैन, उनीहरु कस्तो अवस्थामा छन्, उनीहरुको एकीन गरेर बस्नेबासका लागि उचित वातावरण बनाउने उल्लेख गर्नुभयो ।
देशभित्र उपलब्ध साधन र स्रोतको अधिकतम प्रयोगबाट उच्च कोटीको जीवन जीउन सकिने भन्दै प्रधानमन्त्री ओलीले स्वच्छ पिउने पानी, सफा वातावरण र खाद्यान्नको व्यवस्था हुनुपर्ने बताउनुभयो ।
सबै मन्त्रालयलाई स्पष्ट नयाँ कार्यक्रम ल्याएर अगाडि बढ्न निर्देशन दिँदै उहाँले ढुङ्गा फाल्दा जहाँ खस्यो, त्यही निशाना भनेजस्तो नगरी, कार्यक्रम तथा योजना बनाई निश्चित दृष्टिकोणसहित अगाडि बढ्न आग्रहसमेत गर्नुभयो । मन्त्रालयलाई कुन काम गर्न कस्तो समस्या प¥यो, जुन आफ्नो मन्त्रालय मात्रले समाधान गर्न सकिएन भने मात्र राष्ट्रिय विकास समस्या समाधान समितिको बैठकमा ल्याउन पनि प्रधानमन्त्रीले निर्देशन दिनुभयो ।
बैठकमा उपप्रधानमन्त्री तथा रक्षामन्त्री ईश्वर पोखरेल, उपप्रधानमन्त्री तथा स्वास्थ्य तथा जनसंख्या मन्त्री उपेन्द्र यादव तथा सञ्चार तथा सूचना प्रविधि मन्त्री गोकुल बाँस्कोटाले आ–आफ्ना मन्त्रालयअन्तर्गत देखिएका समस्या राख्नुभएको थियो । सरकारका प्रवक्तासमेत रहनुभएका बाँस्कोटाले विकास निर्माणका कार्यहरुलाई अगाडि बढाउन अन्तरमन्त्रालय समन्वय आवश्यक भएको भन्दै त्यसका लागि एकीकृत अवधारणा र संयन्त्र खडा गरेर अगाडि बढ्नुपर्ने बताउनुभयो ।
उहाँले विकास निर्माणका कार्य अगाडि बढाउने क्रममा सामान्य विषयमा पनि अदालत र अख्तियारमा उजुरी पर्ने र त्यसको छिनोफानो नभई काम अगाडि बढाउन नपाइने भएकाले ढिलासुस्ती हुने गरेको बताउनुभयो । राष्ट्रिय विकास समस्या समाधान समितिको ४२ औँ बैठकमा कृषि विकास, भूमिसुधार तथा व्यवस्था, सहकारी तथा गरिबी निवारण क्षेत्रमा देखिएका समस्या समाधान गरेर अगाडि बढ्ने निर्णय भएको योजना आयोगका उपाध्यक्ष प्रा डा पुष्प कँडेलले जानकारी दिनुभयो । बैठकमा २१ औँ बैठकको निर्णयको समीक्षा, वर्तमान आर्थिक अवस्थाबारे छलफल, मन्त्रालयबाट आएका समस्याको बारेमा चर्चा भएको र मेलम्ची खानेपानी आयोजनाको दोस्रो चरण कसरी अगाडि बढाउने, गरीबी निवारण कोषलाई कसरी चलाउने भन्ने विषयसहित १० वटा समस्यालाई समाधान गर्ने निर्णय भएको बताउनुभयो ।

(Visited 13 times, 1 visits today)

सम्बन्धित समाचारहरू

मेसी म्याजिक भएको अवस्थामा अर्जेन्टिनाका लागि दोश्रो चरणको ढोका यसरी खुल्नसक्छ
गोल किपरको मुर्खताले अर्जेन्टिना संकटमा, क्रोएसियासँग तीन शून्यले पराजित
माओको देशमा ओली, नेपाल कम्युनिष्ट आन्दोलनबाट विश्वले सिक्नसक्ने प्रधानमन्त्रीको भनाई
मासुका लागि कुकुर मार्ने काम बन्द गर्न कोरियाको अदालति आदेश
नेपाल र अष्ट्रेलियाबीच व्यापार बृद्धि गर्न मेलबर्नमा ‘विजनेस फोरम’ आयोजना हुँदै
अलविदा डा. देवकोटा, गोर्खा धन्य भयो तिम्रो जन्मबाट, नेपाल धन्य भयो तिम्रो कर्मबाट !
असार १४ गते काठमाडौं ओर्लदै नयाँ विमान, थप आठ विमान किन्ने तयारी
प्रधानमन्त्री चीनतर्फ, ६ दिने भ्रमणबाट नेपालीको धेरै अपेक्षा
वरिष्ठ न्यूरो सर्जन उपेन्द्र देवकोटाको निधन, मंगलबार विहान ८ बजेदेखी १ बजेसम्म श्रद्धाञ्जली दिइने
विश्वकपको नयाँ मोड, जर्मन मेक्सिकोसँग पराजित, ब्राजिल स्वीट्जरल्याडसँग बराबरीमा
English