न्याभको नयाँ कार्यसमितिलाई पदभार हस्तान्तरण, एक्सीलेन्स एवार्ड पनि वितरण

अष्ट्रेलियाको भिक्टोरिया राज्यमा बसोबास गर्ने नेपालीहरुको साझा संगठन नेप्लीज एशोसिएसन अफ भिक्टोरियाले एक विशेष कार्यक्रमको आयोजना गरी नवनिर्वाचित पदाधिकारीहरुलाई सपथ, पदभार हस्तान्तरण कार्यक्रम सम्पन्न गरेको छ । यस्तै न्याभले समूदायमा रही विभिन्न क्षेत्रबाट योगदान गर्ने व्यक्ति, संघ संस्थालाई पनि सम्मान गरेको छ । न्याभ एक्सीलेन्स एवार्डबाट सम्मानित हुनेहरुमा भाषा, कला र संस्कृति विधामा दिदीबहिनी समाज भिक्टोरिया, प्रोफेसनल एण्ड एकेडेमिक एचिभमेन्टमा डा. राजु अधिकारी, सुरुवात, नेतृत्व र वकालत विधामा सुरेन्द्र सेढाई, न्याभ कमेन्डेबल सर्भिस टु नेप्लीज कम्युनिटी विधामा अजी एक्सन एब्रोड, यंग अचिभर एवार्ड विशान श्रेष्ठलाई प्रदान गरिएको हो । यस्तै स्पोर्टस एवार्ड भिक्टोरियाको पहिलो नेपाली क्रिकेट टिमकी अनीता सापकोटालाई प्रदान गरिएको छ । यी सबै विधामा न्याभ रेकग्निसन एवार्ड पनि प्रदान गरियो । जसमा भाषा, कला र संस्कृतितर्फ मेलबर्न सप्ताह २०१७, मम फेष्टिभल, पार्वती पहाडी र पिताम्बर कोइराला सम्मानित भए । प्रोफेसनल एण्ड एकेडेमिक एचिभमेन्टतर्फ डा। प्रभात लामिछाने, पंकज देवलाई, सुरुवात, नेतृत्व र वकालत विधामा दिपक राई, डा। चन्द्रदिपक पोखरेल, केशवराज कँडेल, युनाईटेड फुटबल क्लब गल्र्स टिमलाई पनि सम्मान गरियो । त्यस्तै न्याभ कमेन्डेबल सर्भिस टु नेप्लीज कम्युनिटीमा मोरल्याण्ड सिटी काउन्सिल, प्रविन कुमार, युनाईटिङ चर्च ग्लेनरोय, वुमेन्स सर्कस मेलबर्नलाई पनि सम्मान गरियो । त्यस्तै योंग एचिभर एवार्डतपर्ः अतुल श्रेष्ठ, प्रसन्न थपलिया, सुशान्त योन्जन, भेष्ना गिरीलाई न्याभ रेकग्नीसन एवार्ड प्रदान गरिएको थियो । खेलकुदमा मधु पोखरेल, राजश्री खनाल, यशवन्त सुवेदी र यति फुटबल क्लबलाई पनि सम्मान गरिएको थियो । कार्यक्रममा भिक्टोरियाकालागि अवैतनिक नेपाली महावाणिज्यदूत चन्द्र योञ्जन, एनआरएनका पूर्वअध्यक्ष शेष घले, ग्रिन्स पार्टीकी सांसद सामन्था रत्नम भिक्टोरियन मल्टिकल्चरल कमिशनर सुन्दीराम शिवमलाई लगायत नेपाली समूदायका वरिष्ठ सदस्यहरुको सहभागिता थियो । उक्त अवसरमा विभिन्न कलाकारहरुले मनोरञ्जनात्मक प्रस्तुति पनि दिएका थिए । नयाँ कार्यसमितिलाई निर्वाचन आयोगका संयोजक निरज कारन्जितले सपथ दिलाएका थिए । सपथपछि बोल्दै अध्यक्ष तारा गैरेले समूदायको भावना अनुरुप आफुले संस्थालाई अगाडि बढाउने प्रतिबद्धता जनाए । यस्तै पूर्वअध्यक्ष डा. अनुपम पोखरेलले दुई वर्षको कार्यकालमा सहयोग गर्ने सबैलाई आभार व्यक्त गरेका थिए । डा. पोखरेलको कार्यकालमा न्याभले भिक्टोरियाका विभिन्न सरकारी निकायहरुसँगको समन्वयका साथै उनीहरुबाट सामूदायिक अनुदान प्राप्तिमा उल्लेखनीय उपलब्धी हासिल गरेको थियो ।

(Visited 2,884 times, 1 visits today)

सम्बन्धित समाचारहरू

अष्ट्रेलियाबाट ‘जर्नी टु नेपाल अभियान’ चलाउँदै दूतावास, बिहीबार सुरुवात गर्ने
मलेशियामा विषालु रक्सी सेवनबाट ६ नेपालीको मृत्यु, १७ बिरामी
सदस्यहरुलाई कार्ड वितरण गर्दै एनआरएन, पहिलो लटमा आए एक हजारको परिचयपत्र
मन्त्री र पूर्वमन्त्रीसँग सिड्नीमा अन्तरक्रिया, एउटा गाउँ बनाउने जिम्मा अष्ट्रेलिया बस्ने साथीहरुले लिनुस् : जनार्दन शर्मा
बलात्कारपछि हत्या गरिएकी बालिका निर्मला पन्तलाई न्याय माग्दै सिड्नीमा ऐक्यबद्धता
कञ्चनपुरकी बालिका निर्मला पन्तको बलात्कार र हत्या अनुसन्धानमा खटिएका सबै प्रहरी निलम्बित
सिड्नीमा सुरु भयो पहिलो नलेज कन्फरेन्स, एनआरएनले देश विकासमा हातेमालो गर्ने
बम योञ्जनलाई भिक्टोरियन मल्टिकल्चरल एवार्ड २०१८, गभर्नर हाउसमा हस्तान्तरण
साफ च्याम्पियनशीप जित्ने नेपालको सपना माल्दिभ्सले ध्वस्त बनायो, तीन शून्यले पराजित
सिड्नीमा नेपाल फेष्टिभलको तयारी, एनआरएनले बनायो २८ उपसमिति
English