पाथीभरा श्रद्धाश्रमका लागि विराटनगर महानगरपालिकाले पनि छुट्यायो बजेट

एनआरएन अष्ट्रेलियाको महत्वकांक्षी कार्यक्रम पाथीभरा श्रद्धाश्रमको निर्माणका लागि विराटनगर महानगरपालिकाले पनि बजेट छुट्याएको छ । जेष्ठ नागरिकहरुको लागि २ करोडभन्दा बढीको लगानीमा निर्माण हुन लागेको यो परियोजनाका लागि एनआरएन अष्ट्रेलियाले हालसम्म १ करोड २७ लाख सहयोग गरिसकेको छ । महानगरपालिका र एनआरएन अष्ट्रेलियाको संयुक्त प्रयासमा सञ्चालन गरिने श्रद्धाश्रमको निर्माण कार्यलाई तिव्रता दिन आफुहरुले प्रयास गरिरहेको यस परियोजनाका संयोजक एवं एनआरएन अष्ट्रेलियाका पूर्वप्रवक्ता ज्ञानेन्द्र रेग्मीले एमएनटीभीलाई बताए । विराटनगर महानगरपालिकाका मेयर भीम पराजुलीले एमएनटीभीसँग कुरा गर्दै यो वर्ष २० लाख बजेट छुट्याएको बताए । उनले यसको छिटो सञ्चालनका लागि एनआरएन अष्ट्रेलियाकै सक्रियतामा भर पर्ने भन्दै आफुहरुले पनि परियोजनालाई विदेशमा रहेका नेपालीहरुको सद्भावको रुपमा बुझेर महत्व दिएको जानकारी दिए । उनले भने, “एनआरएन अष्ट्रेलियाले यसमा काम गरिरहेकाले हामीले पहिलो पटक बजेटमा नै समावेश गरेर रकम पनि छुट्याएका छौं ।” गएको साता यसै विषयमा एनआरएन अष्ट्रेलियाका अध्यक्ष टोनु घोताने, उपाध्यक्ष केशव कँडेल, भिक्टोरियाका लागि अवैतनिक महावाणिज्यदूत चन्द्र योञ्जन र परियोजनाका उपसंयोजक नेत्र पौडेलसहितको छलफल मेलबर्नमा सम्पन्न भएको थियो । छलफलमा दाताहरुले कबोल गरेको सहयोग रकम र विभिन्न राज्यमा दोश्रो चरणमा सञ्चालित कार्यक्रमबाट प्राप्त सहयोग रकमको विषयमा छिट्टै टुंगो लगाएर अघि बढ्ने विषयमा चर्चा भएको थियो ।

(Visited 1,565 times, 1 visits today)

सम्बन्धित समाचारहरू

अष्ट्रेलियाबाट ‘जर्नी टु नेपाल अभियान’ चलाउँदै दूतावास, बिहीबार सुरुवात गर्ने
मलेशियामा विषालु रक्सी सेवनबाट ६ नेपालीको मृत्यु, १७ बिरामी
सदस्यहरुलाई कार्ड वितरण गर्दै एनआरएन, पहिलो लटमा आए एक हजारको परिचयपत्र
मन्त्री र पूर्वमन्त्रीसँग सिड्नीमा अन्तरक्रिया, एउटा गाउँ बनाउने जिम्मा अष्ट्रेलिया बस्ने साथीहरुले लिनुस् : जनार्दन शर्मा
बलात्कारपछि हत्या गरिएकी बालिका निर्मला पन्तलाई न्याय माग्दै सिड्नीमा ऐक्यबद्धता
कञ्चनपुरकी बालिका निर्मला पन्तको बलात्कार र हत्या अनुसन्धानमा खटिएका सबै प्रहरी निलम्बित
सिड्नीमा सुरु भयो पहिलो नलेज कन्फरेन्स, एनआरएनले देश विकासमा हातेमालो गर्ने
बम योञ्जनलाई भिक्टोरियन मल्टिकल्चरल एवार्ड २०१८, गभर्नर हाउसमा हस्तान्तरण
साफ च्याम्पियनशीप जित्ने नेपालको सपना माल्दिभ्सले ध्वस्त बनायो, तीन शून्यले पराजित
सिड्नीमा नेपाल फेष्टिभलको तयारी, एनआरएनले बनायो २८ उपसमिति
English