पीपीएल उपाधि पोखरा पल्टनलाई

खेल पर्यटन पनि भित्र्याउने उद्देश्यसाथ पोखरामा पहिलोपटक सुरु गरिएको पोखरा प्रिमियर लिग क्रिकेट प्रतियोगिताको उपाधि घरेलु टिम पोखरा पल्टनले हात पारेको छ । फाइनल खेलमा पोखरा पल्टनले चितवन राइनोजलाई ३ विकेटले हराउँदै उपाधिमाथि कब्जा गरेको हो ।

स्थानीय पोखरा रंगशालामा भएको फाइनलमा अन्तिम ओभरमा पोखरा पल्टनले रोमान्चक जित निकाल्दै पहिलो संस्करणको उपाधि जितेको छ । उसलाई चितवनले दिएको १६१ रनको लक्ष्य १९.२ ओभरमा ७ विकेट गुमाउँदै जित हासिल गरेको थियो ।
खेलमाा पोखराका लागि भारतीय खेलाडी रविइन्दर सिंहले ५८ बलमा ९० रन जोडेका थिए । त्यस्तै उनलाई साथ दिएका यूएईका मोहम्मद नाभिदले १४ बलमा २५ रन बनाए । कप्तान शरद भेष्वाकरले २२ रन बनाएका थिए ।
यसअघि टस हारेर पहिले ब्याटिङ गरेको चितवनले २० ओभरमा ५ विकेट गुमाई १६० रन बनाएको थियो । चितवनका लागि कप्तान पारस खड्काले ३७ बलमा ५१ रन बनाए ।
उनलाई साथ दिएका भारतीय खेलाडी सन्नी पटेलले २१ बलमा ४३ रन जोडे । ओपनर अनिकुमार साहले ३७ रन बनाउँदै कप्तान पारससँग मिलेर इनिङ संहालेका थिए ।
करिब २ साताअघि सुरु भएको पीपीएलमा बिराटनगर, काठमाडौं, चितवन, पोखरा, बुटवल र धनगढीका ६ टीमको सहभागिता रहेको थियो । यो प्रतियोगिता क्रिकेट खेलका लागि अहिलेसम्मकै सर्वाधिक राशि पुरस्कारको हो । जसमा पहिलो भई पोखराले २७ लाख र दोस्रो भई चितवनले १० लाख रुपैयाँ प्राप्त गरेका छन् ।

(Visited 750 times, 1 visits today)

सम्बन्धित समाचारहरू

२०१९ मा हुने महिला विश्वकप फुटबल प्रतियोगिताका लागि अहिले नै लाखौँ टिकट बिक्री
पीपीएल उपाधि पोखरा पल्टनलाई
सिड्नीमा जीएनसी कप फुटबल सुरु, २० वर्षको ईतिहासलाई डो-याउँदै २१ फुटबल क्लब
नेपाली फुटबलर सुलभ मास्केको गोल अष्ट्रेलियामा वर्षकै सर्वोत्कृष्ट गोल बन्न सफल
एडिलेडमा नेपाली माझ टेनिसको लोकप्रियता बढ्दै
दुई हजार डलर राशीको बिमएमडब्लू कप क्रिकेटको उपाधि सगरमाथा क्रिकेट क्लबलाई !
नेपाल घुम्दै आईसीसी वल्र्डकप ट्रफी, भीभीआईपीले मात्र होइन सर्वसाधारणले समेत पाए अवसर
पोखरा प्रिमियर लिगको आईतबारको खेलमा बुटवल ब्लास्टर्स र एक्सपर्ट धनगढी ब्लूज विजयी
नेपाल पुग्यो आईसीसी विश्वकप क्रिकेटको ट्रफी, पोखरा पनि लगिँदै
आईतबारबाट रेनेगेड्स च्याम्पियन्स ट्रफी सुरु, उद्घाटन अघि नै टिम नेपालको खेल
English