फर्निचर व्यवसायीको हत्यामा संलग्न मनोज पुनका सहयोगी दुई पक्राउ

रुपन्देहीको देवदह नगरपालिका–३ खैरेनीका फर्निचर व्यवसायी ४३ वर्षीय ‘बलु’ भन्ने वसन्त पौडेललाई गोली हानी हत्या गरेको आरोपमा प्रहरीले दुई जनालाई पक्राउ गरेको छ । पक्राउ परेका उनीहरु बलुको हत्या योजनाकार मनोज पुनका सहयोगी रहेको आज पत्रकार सम्मेलन गरी सार्वजनिक गरिएको हो । पौडेलको हत्या भएको दुई सातापछि नवलपरासीको सुनवल नगरपालिका–७, अस्नौयाका ३६ वर्षीय पदम चौधरी र सुनसरी डुमरहा–५ का ‘महेन्द्र’ भनिने महिनारायण चौधरीलाई प्रहरीले पक्राउ गरेको हो । घटनाका मुख्य योजनाकार पुन र सुटर विवेक ९थर नखुलेका० फरार छन् । केन्द्रीय अनुसन्धान ब्यूरो ९सिआइबी० र रुपन्देही प्रहरीको संयुक्त टोलीले बलुको हत्यामा संलग्न दुई जनालाई पक्राउ गरेको हो । पक्राउ परेकामध्ये पदम हतियार र मोटरसाइकल व्यवस्थापन गर्ने अभियुक्त हुन् भने महेन्द्र वैकल्पिक ‘सुटर’ र पदमका सहयोगी रहेको प्रारम्भिक अनुसन्धानबाट खुलेको प्रहरीले जनाएको छ ।
पक्राउ परेका पदम र महेन्द्रले हतियार र मोटरसाइकल व्यवस्थापनसहित मान्छेको सुराकी गर्ने काम गरेको र त्यसबापत उनीहरुले हुण्डीबाट रु दुई लाख लाख ३० हजार रुपैयाँ लिएको समेत खुलेको जिल्ला प्रहरी कार्यालयका प्रमुख प्रहरी उपरीक्षक श्याम ज्ञवालीले बताउनुभयो । बलुको हत्यामा रु तीन लाख ३० हजार लिने गरी सहमति भए पनि रु एक लाख भने अभियुक्तले लिन बाँकी रहेको अवस्थामा उनीहरु पक्राउ परेको प्रहरीले जनाएको छ । पक्राउ परेका दुवै अभियुक्त विगतमा विभिन्न अपराधमा जेल सजाय भुक्तान गरी रिहा भएका आपराधिक पृष्ठभूमिकै रहेको समेत प्रहरीले जनाएको छ ।
प्रहरीले उनीहरुको साथबाट नक्कली नम्बर लु ४ प १४ नं राखेर चलाएको मोटरसाइकल, ९ एमएमको एउटा इटालियन पेस्तोल, दुई वटा कटुवा पेस्तोल र नगद रु ९९ हजारबरामद गरेको छ । पौडेलको गत २१ पुसमा गोली हानी हत्या गरिएको थियो । पत्रकार सम्मेलनमा प्रहरीले गतवर्ष हत्या गरिएका देवदहकै इँटा व्यवसायी तथा युवा संघ रुपन्देहीका अध्यक्ष दुर्गा तिवारी र बलुको हत्यामा एउटै पेस्तोल प्रयोग भएको खुलासा गरेको छ ।
युवा संघ रुपन्देहीका अध्यक्ष दुर्गा तिवारीको २०७३ पुस ४ गते हत्या भएको थियो भने उहाँका साथी एवं फर्निचर व्यवसायी बलुको गत पुस २१ गते हत्या भएको थियो । बलु हत्या घटनाका मुख्य सुटर थर र वतन नखुलेका विवेक भन्ने व्यक्ति रहेको र उनी हत्याको घटनाका मुख्य योजनाकार मनोज पुनको निकट व्यक्ति भएको समेत प्रहरीले जनाएको छ ।
पत्रकार सम्मेलनमा पक्राउ परेका अभियुक्तबाट बरामद गरिएका हतियारमध्ये ९ एमएमको इटालियन पेस्तोल तिवारी र पौडेल दुवैको हत्यामा प्रयोग भएको देखिएको प्रहरी उपरीक्षक ज्ञवालीले बताउनुभयो । बलु हत्यापश्चात फरार अभियुक्तले हतियार घटनास्थलदेखि केही दक्षिणतर्फ खोलामा लुकाएको र अभियुक्त पदम सोही दिन राति आएर हतियार लगेर आफ्नै घर पछाडि गाडेको अवस्थामा बरामद गरिएको समेत प्रहरीले जनाएको छ ।

(Visited 520 times, 1 visits today)

सम्बन्धित समाचारहरू

लुट चलचित्रका निर्माता वाग्लेसहित ६ जना नक्कली नोटको कारोबारमा पक्राउ
मध्यपुरका मेयरमाथि आक्रमण गर्ने विप्लवका बोगटी पक्राउ
रमण श्रेष्ठ, शम्भु थापा लगायलते सुन तस्करको बचाउ गर्दै अदालतमा बहस गर्ने
धर्मगुरु भनिने श्रीनिवसमाथि मुद्दा दर्ता, १० दिनको म्याद थपियो
नेपाल प्रहरीलाई सफलता, आफैंलाई गोली हान्न लगाउने श्रीनिवासाचार्य पक्राउ
काठमाडौंका विभिन्न ठाउँबाट बरामद २५ हजार लिटर रक्सी नष्ट गरियो
सकियो ३३ किलो सुन तस्करी काण्ड र यसको सेरोफेरोका अपराधबारेको अनुसन्धान, आज मुद्दा दायर हुने
म्याग्दीमा ६८ वर्षीय धनबहादुर पुनले गरे बालिका बलात्कार, बृद्ध पक्राउ
बसबाट बहुमूल्य रुवि तस्करी गर्न खोज्ने तामाङ पक्राउ
सिआईबीले समात्इो चिनियाँ नागरिकलाई, १४ किलो सुनको तस्कर भएको आरोप
English