ब्रिसबेनमा नेपाल फेष्टिभलको तयारी तिव्र, एविसी ग्लोबल बन्यो ईभेन्ट पार्टनर

एनआरएन अष्ट्रेलियाले हजारौंको सहभागितामा आयोजना गर्ने नेपाल फेष्टिभलको ब्रिसबेन संस्करण आगामी नोभेम्बर १७ तारिखका दिन ब्रिसबेनमा हुने भएको छ । नेपाली खाना, नेपाली पर्यटन प्रबद्र्धनका साथै क्वीन्सल्याण्डको बहुसांस्कृतिक समाजमा नेपालीको उपस्थिति देखाउने महत्वपूर्ण माध्यम बन्दै आएको नेपाल फेष्टिभललाई यस पटक भने एविसी ग्लोबलले ईभेन्ट पार्टनरको रुपमा साथ दिने भएको छ । यसै साता एविसी ग्लोबलका अभिमानसिंह बस्नेत र एनआरएन अष्ट्रेलियाको तर्फबाट उपाध्यक्ष सन्तोष कुँवरले एक समझदारीपत्रमा हस्ताक्षर गरेका छन् । यससँगै नेपाल फेष्टिभल ब्रिसबेनका लागि अन्य प्रायोजकसँग सम्झौताको क्रम पनि अघि बढेको छ । एमएनटीभीसँग कुरा गर्दै एनआरएन अष्ट्रेलियाका उपाध्यक्ष एवं क्वीन्सल्याण्ड संयोजक सन्तोष कुँवरले विगतमा भन्दा अझ भव्य रुपमा नेपाल फेष्टिभललाई सफल बनाउन आफुहरु लागिरहेको बताए । उनले नेपाल फेष्टिभलमा २० वटा स्टल रहने जानकारी दिँदै तिमध्ये ४ वटा खानाको स्टल हुने पनि बताए । नेपाल प्रबद्र्धन गर्ने विभिन्न हस्तकला, काष्ठकला र प्रस्तर कलाका सामग्रीहरुको स्टलहरुलाई ५० प्रतिशत छुट दिइने नीति लिएको उनको भनाई छ । हरेक दुई वर्षमा आयोजना गर्ने नेपाल महोत्सव यस पटक पनि ब्रिसबेनको मुटु किङ जर्ज स्क्वायरमा गरिनेछ ।

(Visited 980 times, 1 visits today)

सम्बन्धित समाचारहरू

अष्ट्रेलियाबाट ‘जर्नी टु नेपाल अभियान’ चलाउँदै दूतावास, बिहीबार सुरुवात गर्ने
आप्रवासीहरुलाई सिड्नीको रकडेलमा सरकारी सेवा सुविधाबारे जानकारी गराइने !
सदस्यहरुलाई कार्ड वितरण गर्दै एनआरएन, पहिलो लटमा आए एक हजारको परिचयपत्र
मन्त्री र पूर्वमन्त्रीसँग सिड्नीमा अन्तरक्रिया, एउटा गाउँ बनाउने जिम्मा अष्ट्रेलिया बस्ने साथीहरुले लिनुस् : जनार्दन शर्मा
बलात्कारपछि हत्या गरिएकी बालिका निर्मला पन्तलाई न्याय माग्दै सिड्नीमा ऐक्यबद्धता
सिड्नीमा सुरु भयो पहिलो नलेज कन्फरेन्स, एनआरएनले देश विकासमा हातेमालो गर्ने
शनिबार सिड्नीमा देउडा नाच्ने तयारी, गौरा मनाउँदै सुदूरपश्चिमवासी
बम योञ्जनलाई भिक्टोरियन मल्टिकल्चरल एवार्ड २०१८, गभर्नर हाउसमा हस्तान्तरण
सिड्नीमा नेपाल फेष्टिभलको तयारी, एनआरएनले बनायो २८ उपसमिति
काठमाडौं र सिड्नीबीच वार्षिक ९३ हजार यात्रु ओहोर दोहोर, सिधा उडानको बहस जारी
English