मेसी म्याजिक भएको अवस्थामा अर्जेन्टिनाका लागि दोश्रो चरणको ढोका यसरी खुल्नसक्छ

अर्जेन्टिनासँग बराबरीको नतिजा निकालेको आईसल्याण्ड नाईजेरियासँग पराजित भएको छ। अर्जेन्टिनासँग अंक बाँडेको टोलीले नाईजेरिया बिरुद्ध तीन अंक बटुल्ने छ भन्ने धेरैको भविष्यवाणी मिलेन।नाईजेरियाका अहमद मुसाले खेलको ४९औं र ७५औं मिनेटमा गोल गर्दै आईसल्याण्ड बिरुद्ध स्पष्ट जित निकालेको हो। आईसल्याण्डले ८३औं मिनेटमा पाएको पेनाल्टी जिल्फी सिगर्दसनले बाहिर प्रहार गरेका थिए।महत्वपुर्ण प्रतियोगितामा आईसल्याण्डको समुह चरणमा पहिलो पराजय हो। यसअघि युरोमा २ बराबर र १ जित हासिल गरेको आईसल्याण्डले पहिलो खेलमा अर्जेन्टिनासँग बराबरी गरेको थियो।
नाईजेरियाले आईसल्याण्डलाई हराएसँगै समुह रोमाञ्चक मोडमा पुगेको छ। समुह ‘डी’मा क्रोएसिया २ खेलमा ६ अंक सहित पहिलो स्थानमा हुँदै दोस्रो चरण प्रवेश गरिसकेको छ। त्यसैगरि नाईजेरिया २ खेलमा ३ अंक सहित दोस्रो स्थानमा रहेको छ।
आईसल्याण्ड र अर्जेन्टिना १(१ अंक सहित क्रमशस् तेस्रो र चौथो स्थानमा रहेका छन्। समुहको अन्तिमा खेलमा अर्जेन्टिना र नाईजेरिया भिड्ने छन् भने आईसल्याण्डले क्रोएसियाको सामना गर्ने छ।अर्जेन्टिनाले नाईजेरियालाई पराजित गर्दा क्रोएसियाले आईसल्याण्डलाई पराजित वा बराबरी गरेमा अर्जेन्टिना दोस्रो चरणमा पुग्ने छ। अर्जेन्टिनाले आफ्नो खेलमा तीन अंक ल्याउनु पर्नेछ । क्रोएसिया र आईसल्याण्ड बिचको खेलमा बराबर वा आईसल्याण्डको हारको कामना गर्नु बाहेक अर्जेन्टिनासँग अर्को बिकल्प रहेको छैन।पहिलो खेलमा आईसल्याण्डसँग बराबर र दोस्रो खेलमा पराजय ब्योहोरेपछि अर्जेन्टिनाको फुटबलको आलोचना भैरहेको छ। म्यानेजर साम्पाओलीको तयारी बारे पनि टिकाटिप्पणी शुरु हुन थालेको छ भने स्टार खेलाडी लियोनल मेस्सी पनि प्रश्नको घेरामा आऐका छन्।
मेस्सीले एक्लै पुरै टोलीको भार बोक्न नसक्ने टिप्पणीहरु चर्चामा रहेका छन् भने क्लबबाट मात्र राम्रो खेल्ने तर राष्ट्रीय जर्सीमा खेल्न मन नगर्ने जस्ता आरोप पनि मेस्सीलाई लाग्न थालेको छ।सबै आलोचना र टिका(टिप्पणीहरुलाई चिर्दै साम्पाओली र मेस्सीको टोलीले नाईजेरियासँ बिजय हुँदै क्रोएसिया(आईसल्याण्डको नतिजामा भर पर्नु पर्ने भएको छ ।

(Visited 165 times, 1 visits today)

सम्बन्धित समाचारहरू

अष्ट्रेलियाबाट ‘जर्नी टु नेपाल अभियान’ चलाउँदै दूतावास, बिहीबार सुरुवात गर्ने
मलेशियामा विषालु रक्सी सेवनबाट ६ नेपालीको मृत्यु, १७ बिरामी
सदस्यहरुलाई कार्ड वितरण गर्दै एनआरएन, पहिलो लटमा आए एक हजारको परिचयपत्र
मन्त्री र पूर्वमन्त्रीसँग सिड्नीमा अन्तरक्रिया, एउटा गाउँ बनाउने जिम्मा अष्ट्रेलिया बस्ने साथीहरुले लिनुस् : जनार्दन शर्मा
बलात्कारपछि हत्या गरिएकी बालिका निर्मला पन्तलाई न्याय माग्दै सिड्नीमा ऐक्यबद्धता
कञ्चनपुरकी बालिका निर्मला पन्तको बलात्कार र हत्या अनुसन्धानमा खटिएका सबै प्रहरी निलम्बित
सिड्नीमा सुरु भयो पहिलो नलेज कन्फरेन्स, एनआरएनले देश विकासमा हातेमालो गर्ने
बम योञ्जनलाई भिक्टोरियन मल्टिकल्चरल एवार्ड २०१८, गभर्नर हाउसमा हस्तान्तरण
साफ च्याम्पियनशीप जित्ने नेपालको सपना माल्दिभ्सले ध्वस्त बनायो, तीन शून्यले पराजित
सिड्नीमा नेपाल फेष्टिभलको तयारी, एनआरएनले बनायो २८ उपसमिति
English