मोबाईल फोनमा बालबालिकाको अश्लिल दृश्य राखेका विद्यार्थी पर्थको विमानस्थलमै पक्राउ

अष्ट्रेलियाको पर्थमा पढ्नका लागि भारतबाट आएका एक विद्यार्थी विमानस्थलबाटै पक्राउ परेका छन् । विमानस्थलमा चेकजाँचका क्रममा उनको फोनमा प्रहरी अधिकारीहरुले ठूलो मात्रामा बालबालिकाहरु संलग्न रहेको यौनजन्य तस्वीर र भिडियोहरु भेटेपछि निजलाई पक्राउ गरिएको हो । नाम नखुलाइएका ति विद्यार्थी २१ वर्षको भएको प्रहरीले जनाएको छ । प्रहरीले निजलाई अनधिकृत आयातको अपराधमा दोषी मानेको छ । उसको भिसा रद्द गरिएको प्रहरीले जनाएको छ । अष्ट्रेलियन बोर्डर फोर्सका कमान्डर रोड ओडेनियकलले भने, “हाम्रा अफिसरहरु यस्ता व्यक्तिहरुलाई चिन्ने मामिलामा पोख्त छन् । प्रतिबन्ध लगाइएका सामग्रीहरु लिएर आउनेहरुलाई उनीहरुले सजिलै चिन्छन् । समूदायलाई खतरा हुनसक्ने यस्ता व्यक्तिहरु चिन्ने मामिलामा सीमा सुरक्षामा खटिएका अफिसरहरुलाई विशेष तालिम दिइएको हुन्छ ।” बाल यौन शोषण र यौनजन्य हिंसा गर्ने व्यक्तिहरुलाई विमानस्थलमै रोक्ने र समूदायलाई सुरक्षित गर्नु उनीहरुको कर्तव्य अन्तर्गत पर्दछ । भारतबाट आएका यी व्यक्ति यो महिनाभित्र यस्तै घटनामा पक्राउ परेका दोश्रो व्यक्ति हुन् । गएको अक्टोबर ३ तारिखका दिन पनि एक ३२ वर्षीय पाकिस्तानीलाई पर्थको विमानस्थलमै पक्राउ गरिएको थियो । उसले पनि बालबालिकाहरु संलग्न भएको यौनजन्य तस्वीर र भिडियोहरु बोकेको थियो । पछिल्लो समय पक्राउ परेका व्यक्तिको सुनवाई आगामी अक्टोबर २६ तारिख शुक्रबारका दिन हुनेछ । यस किसिमको अपराधमा संलग्न व्यक्तिलाई १० वर्षको जेल सजाय र ५ लाख २५ हजार डलरसम्मको जरिवाना हुन सक्नेछ ।

(Visited 2,064 times, 1 visits today)

सम्बन्धित समाचारहरू

दुलहीजस्तै सिंगारिए छठ घाट
पत्नी सीताको उपचारका लागि म्याग्दी पुगे प्रचण्ड, तातोनी कुण्डमा विताए दुई घण्टा
प्रधानमन्त्रीको परराष्ट्र सल्लाहकारमा डा. राजन भट्टराई नियुक्त
बालिका र युवतीमाथि सात युवकले गरे सामूहिक बलात्कार, सातै फरार
छठको तयारी तीव्र
न्याय माग्दै धर्ना, न्याय नपाए प्रशासन कार्यालय अगाडि प्राण त्याग्न तयार
मेलबर्नमा छुरा आक्रमणकारी हुसेन खालिफको पासपोर्ट सन् २०१५ मै रद्द गरिएको खुलासा
शरणार्थीको मामिलामा डोनाल्ड ट्रम्प कठोर, मेक्सिकोतिरबाट आए सिधै आउट
२०१९ मा हुने महिला विश्वकप फुटबल प्रतियोगिताका लागि अहिले नै लाखौँ टिकट बिक्री
भाईटीका लगाउनै नेपाल आइपुग्छन् विदेशी पर्यटक, अन्तरदेशीय सम्बन्ध जोड्दै भाइटीका
English