विदेशबाट फर्किएर स्वदेशमा उद्योग चलाइरहेका युवा सम्मानित, पाए एक लाख नगद

श्रम, रोजगार तथा सामाजिक सुरक्षा मन्त्रालयले वैदेशिक रोजगारीबाट फर्किएर नेपालमा कृषि उद्योग चलाइरहेका आठ उद्यमीलाई आज सम्मान गरेको छ ।  विदेशमा सीप सिकेर नेपालमा आई उदाहरणीय काम गरेका युवाका माध्यमबाट अन्यलाई सरकारका तर्फबाट प्रोत्साहन दिने उद्देश्यले पुरस्कार वितरण गरिएको मन्त्रालयका सचिव महेशप्रसाद दाहालले बताउनुभयो । सर्वाेत्कृष्ट उद्यमी पुरस्कारतर्फ यूएई र इजरायलमा दुई दुई वर्ष काम गरी नेपाल फर्केर आराभा नेपाल मोर्डन एग्रिकल्चर कम्पनी चलाइरहनुभएका लमजुङका सोनाम लामालाई रु एक लाखसहित श्रममन्त्री गोकर्णराज विष्टले सम्मान गर्नुभयो ।
त्यसैगरी उत्कृष्ट उद्यमीतर्फ यूएईमा साढे दुई वर्ष काम गरी राष्ट्रिय अलैँची कृषि कम्पनी प्रालि सञ्चालन गरिरहनुभएका बागलुङका देवीप्रसाद खत्री, कतारमा आठ वर्ष काम गरी मनकामना होटल एण्ड भुलभुले नमुना कृषि फार्म सञ्चालन गरिरहनुभएका खोटाङका हरि लुइँटेल, साउदी अरबमा पाँच वर्ष काम गरेर थोपा सिँचाइ प्रालि सञ्चालन गरिरहनुभएका काठमाडौँका खोजराज कटुवाल, साउदी अरबमा १२ वर्ष काम गरी वैशाली कृषि तथा बाख्रा फार्म सञ्चालन गरिरहनुभएका पर्वतका गणेश पुन मगर, तीन वर्ष साउदीमा काम गरी प्रेसिका एग्री फार्म सञ्चालन गरिरहनुभएका बर्दियाका प्रेमप्रसाद लामिछाने, यूएईमा काम गरी पायोनियर एकीकृत कृषि केन्द्र सञ्चालन गरिरहनुभएका रुपन्देहीका द्रोणप्रसाद न्यौपाने र इजरायलमा एक वर्ष काम गरी नादा एग्रो एण्ड सिड प्रोडक्सन सञ्चालन गरिरहनुभएका बर्दियाका रामदीपाल थारुलाई रु ५०–५० हजारसहित सम्मान गरिएको थियो ।
पुरस्कारका लागि २३ जनाको आवेदन परेकामा २० जनालाई छनोट गरी रोजगारीको सिर्जना, पूँजी लगानी, स्थानीय साधन स्रोत र प्रविधिको उपयोग, आयात प्रतिस्थापन/निर्यातमूलक उद्योगलगायत आधार राखिएको थियो । सरकारले विसं २०७३ मा विदेशमा काम गरी स्वदेशमा फर्केका उद्यमीलाई पुरस्कारको घोषणा गरेको थियो । सो अवसरमा मन्त्री विष्टले सरकारले रोजगारीको अवसर सिर्जनाका लागि सम्भाव्यता अध्ययन शुरु गरिसकेको जानकारी दिनुभयो ।

(Visited 53 times, 1 visits today)

सम्बन्धित समाचारहरू

अष्ट्रेलियाबाट ‘जर्नी टु नेपाल अभियान’ चलाउँदै दूतावास, बिहीबार सुरुवात गर्ने
मलेशियामा विषालु रक्सी सेवनबाट ६ नेपालीको मृत्यु, १७ बिरामी
सदस्यहरुलाई कार्ड वितरण गर्दै एनआरएन, पहिलो लटमा आए एक हजारको परिचयपत्र
मन्त्री र पूर्वमन्त्रीसँग सिड्नीमा अन्तरक्रिया, एउटा गाउँ बनाउने जिम्मा अष्ट्रेलिया बस्ने साथीहरुले लिनुस् : जनार्दन शर्मा
बलात्कारपछि हत्या गरिएकी बालिका निर्मला पन्तलाई न्याय माग्दै सिड्नीमा ऐक्यबद्धता
कञ्चनपुरकी बालिका निर्मला पन्तको बलात्कार र हत्या अनुसन्धानमा खटिएका सबै प्रहरी निलम्बित
सिड्नीमा सुरु भयो पहिलो नलेज कन्फरेन्स, एनआरएनले देश विकासमा हातेमालो गर्ने
बम योञ्जनलाई भिक्टोरियन मल्टिकल्चरल एवार्ड २०१८, गभर्नर हाउसमा हस्तान्तरण
साफ च्याम्पियनशीप जित्ने नेपालको सपना माल्दिभ्सले ध्वस्त बनायो, तीन शून्यले पराजित
सिड्नीमा नेपाल फेष्टिभलको तयारी, एनआरएनले बनायो २८ उपसमिति
English