विधानको कदर गर्न जाने काँग्रेस एकताबद्ध हुने आफ्नो आग्रह रहेको पौडेलको भनाई

नेपाली काँग्रेसका वरिष्ठ नेता रामचन्द्र पौडेलले विधानको परिधिभित्रै रहेर सहमतिमै पार्टी चलाउन सभापति शेरबहादुर देउवालाई आग्रह गर्नुभएको छ । १२९ औँ अन्तर्राष्ट्रिय श्रमिक दिवसका अवसरमा नेपाल ट्रेड युनियन काँग्रेस तनहुँद्वारा दमौलीमा आयोजित कार्यक्रममा उहाँले काँग्रेस विधि र सिद्धान्तमा चल्ने पार्टी भएकाले त्यहीअनुसार पार्टीलाई अगाडि बढाउन आफूले सभापति देउवालाई सुझाव दिएको बताउनुभयो । वरिष्ठ नेता पौडेलले गएको निर्वाचनमा पार्टी हारे पनि सिद्धान्तले सधै जितेको भन्दै त्यही सिद्धान्तलाई टेकेर काँग्रेस संगठन विस्तारमा लाग्नुपर्नेमा जोड दिनुभयो ।
काँग्रेस केन्द्रीय सदस्य प्रदिप पौडेलले काँग्रेस सुध्रेर अगाडि बढे अर्को चुनावमा फेरि ठूलो पार्टी हुने विश्वास व्यक्त गर्नुभयो । पूर्वसांसद ध्रुव वाग्लेले पार्टीका सबै कार्यकर्ता एक ढिक्का भएर अगाडि बढे अर्को चुनावमा कांग्रेसको जित सुनिश्चित रहेको बताउनुभयो । कार्यक्रममा श्रमको सम्मान गर्दै लामो समयदेखि घर बनाउने काममा मजदुरी गर्दै आएका व्यास नपा–२ का ६३ वर्षीय कृष्णबहादुर भुजेल, ३० वर्षदेखि यातायात क्षेत्रमा काम गर्दै आएका माइक्रो बस चालक ५४ वर्षीय अक्कल भण्डारी र नाइ संघमा आवद्ध रहेर लामो समय श्रम गर्दै आएका नन्दु ठाकुरलाई सम्मान गरिएको थियो ।

(Visited 723 times, 1 visits today)

सम्बन्धित समाचारहरू

सभामुख या उपसभामुख फरक दलको हुनुपर्ने भन्दै सर्वोच्च अदालतमा निवेदन
काठमाडौं चक्रपथमा मोनो रेल बनाउने अध्ययन हुँदै, ६ महिनामा निष्कर्श आउने
भ्रष्टाचार विरुद्ध अभियान थाल्न केन्द्रीय सदस्यहरुलाई अध्यक्ष ओली प्रचण्डको निर्देशन
सिड्नीको समुद्री किनारमा नेपाली युवतीको शव भेटियो, अनुसन्धान हुँदै
चुडामणि उप्रेतिले आत्मसमर्पण गरेको खुलासा, को थियो उनलाई मार्न चाहने ?
पत्रकार सम्मेलनमा पक्राउ परेको  गोरेले जब आफैं क्याप खोल्यो ! 
सरकारले ल्यायो नीति र कार्यक्रम, रोजगार सिर्जनादेखि उत्पादकत्व बृद्धिसम्मको प्रतिबद्धता
कमनवेल्थ गेम्समा अष्ट्रेलिया आएका २ सयभन्दा बढी खेलाडीबाट शरण माग, ५० बेपत्ता
ट्याक्सीमा चढ्दा बिल माग्नुस्, मिटरमा प्रिन्टर जडान नगरेका ट्याक्सीमाथि हुँदैछ कारवाही
चम्कियो नेपाली ठीटो, सन्दिपले लिए आईपीएलमा तीन विकेट
English