विश्वकपको नयाँ मोड, जर्मन मेक्सिकोसँग पराजित, ब्राजिल स्वीट्जरल्याडसँग बराबरीमा

विश्वकप फुटबलको २०१८ को संस्करणमा पहिलो चरणका खेलमा नै आश्चर्यजनक नतिजा प्राप्त हुने क्रम जारी छ । अर्जेन्टिनाले कम आँकिएको टिम आईसल्याण्डसँग बराबरीमा रोकिए लगत्तै अघिल्लो पटकको विजेता जर्मनी मेक्सिकोसँग पराजित भएको छ । उता ब्राजिललाई पनि स्वीट्जरल्याण्डले बराबरीमा रोक्न सफल भएको छ । विश्वकपका यी नतिजा आइरहँदा फुटबलका फ्यानहरुमा भने अनौठो खालको प्रतिक्रयाहरु देखिएका छन् ।
पहिलो हाफमा गरेको एक गोललाई दोस्रो हाफमा पनि जोगाएपछि मेक्सिकोले जर्मनीलाई पराजित गरेको छ।पहिलो हाफको ३४ औं मिनेटमा मेक्सिकोका लोजानोले गरेको गोलमा सन् २०१८ को विश्वकप विजेता जर्मनीमाथि मेक्सिकोले जित हासिल गरेको हो।मेक्सिकोले पहिलो हाफमै गरेको गोल फर्काउन जर्मनीले भरमग्दुर प्रयास गर्‍यो। तर उसको केही सीप लागेन।दोस्रो हाफमा पनि जर्मन खेलाडीहरुले गोल फर्काउन मिहिनेत गरे, तर मेक्सिकोको डिफेन्स विश्वकप विजेता जर्मनीले तोड्न सकेन।
उता ब्राजिल पनि स्वीट्जरल्याण्डसँग अंक बाँढ्न विवश बनेको छ । २० औँ मिनेटमा काउन्टिन्होको शानदार कर्ली किकको गोलसहित मध्यान्तरसम्म अग्रता लिएको ब्राजिललाई स्विट्जरल्यान्डले मध्यान्तरको पाँच मिनेटमा नै गोल फर्काई बराबरी गर्‍यो। स्टिभन जुबेरले ५० औँ मिनेटमा शाकिरीको पावरफूल क्रसमा हेडबाट गोल गरेका थिए। पहिलो खेलमा जित निकाल्न नपाएसँगै ब्राजिलमाथि दबाब बढेको छ। यही समूहको सर्बियाले कोस्टारिकालाई जितेर तीन महत्त्वपूर्ण अङ्क पाइसकेको छ। ब्राजिलको अर्को खेल शुक्रबार कोस्टारिकासँग हुनेछ।

(Visited 48 times, 1 visits today)

सम्बन्धित समाचारहरू

छठीमाईको आराधना
मेलबर्नमा भव्य बन्यो छठ पर्व, भिक्टोरियाका मन्त्रीले गरे हिन्दूत्वको प्रशंसा
दुलहीजस्तै सिंगारिए छठ घाट
पत्नी सीताको उपचारका लागि म्याग्दी पुगे प्रचण्ड, तातोनी कुण्डमा विताए दुई घण्टा
प्रधानमन्त्रीको परराष्ट्र सल्लाहकारमा डा. राजन भट्टराई नियुक्त
बालिका र युवतीमाथि सात युवकले गरे सामूहिक बलात्कार, सातै फरार
छठको तयारी तीव्र
न्याय माग्दै धर्ना, न्याय नपाए प्रशासन कार्यालय अगाडि प्राण त्याग्न तयार
मेलबर्नमा छुरा आक्रमणकारी हुसेन खालिफको पासपोर्ट सन् २०१५ मै रद्द गरिएको खुलासा
शरणार्थीको मामिलामा डोनाल्ड ट्रम्प कठोर, मेक्सिकोतिरबाट आए सिधै आउट
English