सदस्यहरुलाई कार्ड वितरण गर्दै एनआरएन, पहिलो लटमा आए एक हजारको परिचयपत्र

गैरआवासीय नेपाली संघ अष्ट्रेलियाले आफ्ना ८ हजारभन्दा बढी सदस्यहरुका लागि परिचयपत्रको व्यवस्था गरेको छ । यसै अन्तर्गत पहिलो पटक एक हजारभन्दा बढी व्यक्तिहरुको परिचयपत्र बनेर काठमाडौंस्थित केन्द्रीय कार्यालयबाट आएको जानकारी संस्थाका प्रवक्ता डिला खरेलले दिएका छन् । खरेलले एक विज्ञप्ति जारी गर्दै एनआरएन कार्डका माध्यमबाट सदस्यहरुले सहुलियत समेत पाउने व्यवस्था गर्न लागिएको जनाएका छन् । उनले अष्ट्रेलियामा सञ्चालित विभिन्न रेष्टुरैन्टहरु, होटलहरु, नेपाल जाने टिकट, कानूनी सेवा, लेखा सेवा, शैक्षिक तथा अध्यागमन सेवा लगायतमा कार्डवाहकहरुलाई सहुलियत दिलाउने प्रयास भइरहेको जनाए । एनआरएन साउथ अष्ट्रेलियाले एडिलेडमा रहेका विभिन्न संघसंस्थासँगको सहकार्यका माध्यमबाट आफ्ना सदस्यहरुलाई सहुलियत दिने घोषणा यसअघि नै गरिसकेको छ । एमएनटीभीसँग कुरा गर्दै प्रवक्ता डिढला खरेलले भने, “कार्डमा एनआरएन मेम्बरशिप नम्बर हुनेछ, साथै यसमा वाहकको फोटो पनि रहनेछ । तर हामीले बुझ्नुपर्ने कुरा चाहीँ नेपाल सरकारले जारी गर्ने एनआरएन कार्ड र यो परिचयपत्र फरक फरक हो । नेपाल सरकारले जारी गर्ने कार्डको माध्यमबाट नेपालको सरकारी निकायहरुले दिने सेवा, सुविधा र सहुलियत प्राप्त गर्न सकिन्छ भने यो कार्डको माध्यमबाट एनआरएनका एनसीसीहरुले तोकेको सेवा सुविधा पाउन सकिनेछ । साथै आगामी निर्वाचनमा सहभागी हुनका लागि पनि यो परिचयपत्र आवश्यक पर्नेछ ।” आठ हजार सदस्य रहेकोमध्ये पहिलो लटमा जम्मा एक हजारको सदस्यता करिब तीन महिनाभन्दा बढी समय लगाएर लागि आएको छ । कार्डको म्याद भने सन् २०१९ को जुलाईसम्म मात्र छ । अष्ट्रेलिया आइपुगेका कार्डलाई सम्बन्धित राज्य परिषद्मार्फत वितरण गर्ने व्यवस्था मिलाइएको छ ।

(Visited 1,454 times, 1 visits today)

सम्बन्धित समाचारहरू

श्रीलंकाको राष्ट्रपतिको भारतमा हत्या योजना बनाएको आश्चर्यजनक खुलासा
दशैंको आठौं दिन महाअष्टमी, कालरात्रीको पूजा गरी शक्तिको उपासना गरिँदै
एडिलेडमा पनि बन्यो नेपाली महिला क्रिकेटको टोली !
आयो दशैं, टुँडिखेलमा सेनाले गर्यो फूलपाती बढाई
तामांग सोसाईटी अफ भिक्टोरियामा नयाँ नेतृत्व, पेमा दोर्जी बने अध्यक्ष
नारायणहिटीमा श्रीपेच प्रदर्शनमा, उद्घाटन कार्यक्रममै प्रधानमन्त्रीले दिए दनक
कार्तिक १५ देखि नेपालमा पाराग्लाईडिङ्ग विश्वकप हुँदै
माधव नेपालले भने, सम्बृद्धिको बाधकलाई कारवाही गरौं
महेश भण्डारीले पाए लालोर हिरो एवार्ड !
बाख्राको मासु खसीको भन्दै बेच्ने पक्राउ परे केही, सुपरग्लूले मासु टाँसेको भेटियो
English