सन्दिप श्रेष्ठको निर्देशनमा भ्यालेन्टाईन डेका लागि सुवानी र कमलको म्युजिक भिडियो सार्वजनिक

आगामी फेब्रुअरी १४ तारिख अर्थात् भ्यालेन्टाईन डेको अवसर पारेर म्युजिकल भेटहरु सार्वजनिक हुने क्रम जारी छ । यसै क्रममा गायिका सुवानी मोक्तान र गायक कमल खत्रीको स्वरमा सजिएको हेरिरहुँ म सधैं बोलको गीतको म्युजिक भिडियो अष्ट्रेलियाबाट सार्वजनिक भएको छ । म्युजिक भिडियोको सम्पूर्ण छायाँकन अष्ट्रेलियाको सिड्नीमा गरिएको हो । मेलबर्न निवासी निर्देशक सन्दिप श्रेष्ठको निर्देशनमा बनेको भिडियोको छायाँकन सौरभ मानन्धरले गरेका हुन् । निकै उच्चस्तरको प्रविधिको प्रयोग गरी छायाँकन गरिएको म्युजिक भिडियोले रिलिज गरिएको केही समयमै हजारौं दर्शकको मन जित्न सफल भइसकेको छ । यस गीतको लेखन पनि सुवानी मोक्तानकै रहेको छ । आफ्नै संगीतमा उनले नै लेखेको गीत स्वयं सुवानीले गाएकी हुन् । यस भिडियोका निर्देशक सन्दिप श्रेष्ठ नेपालमा रहँदा ई २४ टेलिभिजनसँग आबद्ध थिए र उनले केही म्युजिक भिडियोहरु पनि बनाएका थिए । यही आफ्नो कर्मलाई निरन्तरता दिँदै उनले यस पटकको भ्यालेन्टाईन डेका लागि उत्कृष्ट उपहार दिएका हुन् । भर्खरै प्रेममा डुबेका जोडीको भूमिकामा मोडल सुरभी मानन्धर र सतिश देखिएका छन् । उनीहरु रिल लाईफमा मात्र होइन रियल लाईफमा पनि जोडी नै हुन् । सिड्नीमै बसोबास गर्ने यी दुई मोडलको केमेष्ट्री निकै जमेको देखिएको छ । सिड्नीमा समुद्रको किनारामा ड्रोनको समेत प्रयोग गरेर सौरभ मानन्धरले उत्कृष्ट छायाँकन गरेका छन् । एमएनटीभीसँग कुरा गर्दै यस म्युजिक भिडियोका निर्देशक सन्दिप श्रेष्ठले भ्यालेन्टाईन डेको पूर्वसन्ध्यामा रिलिज गरिएको भएपनि यस म्युजिक भिडियोले हरेक प्रेमी प्रेमिकाको भावनालाई उजागर गर्नसक्ने अपेक्षा आफुले गरेको बताए । परदेशको भूमिमा रहेपनि आफ्नो फिल्डको लागि केही न केही योगदानको निरन्तरता दिने सोचबाट नै आफुले म्युजिक भिडियो निर्माण गरेको उनी बताउँछन् । दुई दिन अष्ट्रेलियामा छायाँकन पछि यसको सम्पादनको सम्पूर्ण कार्य नेपालमै गरिएको हो । यसको सम्पादनको नेतृत्व टेकेन्द्र शाहले गरेका छन् । समग्रमा म्युजिक भिडियो दर्शनीय बनेको छ । प्रेमका भावहरु रहेको सुवानी मोक्तान र कमल खत्रीको आवाजमा सजिएको यो भिडियो तपाईंहरुको लागि

(Visited 1,242 times, 1 visits today)

सम्बन्धित समाचारहरू

अष्ट्रेलिया निवासी गायक ईश्वर पोखरेलको गीतमा आकाश वर्षालाई कति बज्यो भनेर सोध्दै
खगेन्द्र लामिछानेको नयाँ प्रयोग डमरुको डन्डीवियो ६ मेमा मेलबर्नमा प्रदर्शन हुने
एडिलेड निवासी गायिका प्रजिताको व्यूटीफुल गर्ल, गिरिश खतिवडाको साथ
ईन्दिरा जोशी केटाको बखान गर्दै, तर उसको अर्कै गर्लफ्रेण्ड छ रे !
अष्ट्रेलियावासी दुर्गा रिमालको शब्दमा आमाको महिमा गायनको गीत सार्वजनिक
कपिल शर्माको नयाँ शो पनि बन्द हुने खतरा, उनले भने मेरो प्रगतिमा जल्नेहरु जलिरहुन्
मिस नेपाल बनाउने श्रृंखला खतिवडाको उत्तर के हो ? नेपाललाई सम्बृद्ध बनाउन र नेपालीको मुहारमा मुस्कान ल्याउन ? यो हेर्नुहोस्
श्रृंखलालाई मिस नेपाल बनाउने प्रश्न ‘समृद्ध नेपाल, सुखी नेपालीका लागि आवश्यक तीन चिज के हुन्’
फेमिली शो चलाउने कपिल शर्माले बोले यस्तो छाडा, (हेर्नुहोस् भिडियो)
सलमान खानका फ्यानहरु आहत, कृष्णसार मारेको अभियोगमा जेल, हिट एण्ड रन पनि खुल्नसक्ने
English