सिड्नीमा जीएनसी कप फुटबल सुरु, २० वर्षको ईतिहासलाई डो-याउँदै २१ फुटबल क्लब

अष्ट्रेलियाको सबैभन्दा पुरानो नेपाली फुटबल लिग जीएनसी कप सिड्नीमा सुरु भएको छ । २१ वटा फुटबल क्लबको सहभागिता रहेको २० औं संस्करणको यो प्रतियोगिताको उद्घाटन खेल हिमालयन युथ क्लब र सेन्ट जर्ज फ्रेन्डस क्लबबीच भएको थियो । जसमा फ्रेन्ड्स क्लबले हिमालयन युथ क्लबलाई शून्यका विरुद्ध ७ गोलले पराजित गरेको थियो । यस्तै सुरुवातकै दिन भएका अन्य खेलमा सेन्ट जर्ज नेप्लीज क्लब, सगरमाथा फुटबल क्लब, बेनी फुटबल क्लब र सेन्ट जर्ज फ्रेन्डस फुटबल क्लब विजयी बन्दै अंक तालिकामा तीन तीनको अग्रता लिन सफल भए । प्रतियोगितामा फेवा फुटबल क्ल बर दि ब्रिगेड क्लब एक एक बराबरीमा, माछापुच्छ्रे फुटबल क्लब र वेष्ट युनाईटेड फुटबल क्लबले दुई दुई गोलको बराबरी खेलेर अंक बाँडेका थिए । प्रतियोगिताअघि आयोजना गरिएको उद्घाटन कार्यक्रममा अतिथिको रुपमा वरिष्ठ हाँस्य कलाकार हरिवंश आचार्य सहभागी थिए । उनले लामो ईतिहास बोकेको गोर्खा नेप्लीज कम्युनिटी कप फुटबलमा सहभागी हुन पाउनु खुशीको कुरा भएको बताउँदै प्रतियोगिताले अष्ट्रेलियामा नेपालीको ईतिहासलाई समेत प्रतिबिम्बित गर्ने धारणा राखे । प्रतियोगितामा सिनियरतर्फ १२ टिम सहभागी छन् भने जुनियरतर्फ ९ टिमले सहभागिता जनाएका छन् । यस्तै भेट्रानतर्फका खेलहरु पनि आयोजना हुँदैछ । हरेक आईतबार प्रतियोगिताका खेलहरु हुनेछन् भने १६ सातामा फाईनल खेल आयोजना गरिनेछ । अष्ट्रेलियामा एजुकेशन र माईग्रेसनको क्षेत्रमा क्रियाशील पुरानो कन्सल्टेन्सी ओली एण्ड एशोसिएटसले यस पटकको जीएनसी फुटबल प्रतियोगितालाई प्रायोजन गरेको छ । एमएनटीभीसँग कुरा गर्दै ओली एण्ड एशोसिएट्सका विजनेस म्यानेजर अशोक ओलीले समूदायका लागि थोरै भएपनि योगदान दिन पाउनु खुशीको कुरा भएको बताए । उनी आफैं पनि फुटबल खेलाडी हुन् । ओली एण्ड एशोसिएट्सले नेप्लीज रिक्रियसन क्लबले आयोजना गरेको व्याडमिन्टन प्रतियोगिताको पनि मुख्य प्रायोजन गरेको छ । 

 

(Visited 962 times, 1 visits today)

सम्बन्धित समाचारहरू

दुलहीजस्तै सिंगारिए छठ घाट
पत्नी सीताको उपचारका लागि म्याग्दी पुगे प्रचण्ड, तातोनी कुण्डमा विताए दुई घण्टा
प्रधानमन्त्रीको परराष्ट्र सल्लाहकारमा डा. राजन भट्टराई नियुक्त
बालिका र युवतीमाथि सात युवकले गरे सामूहिक बलात्कार, सातै फरार
छठको तयारी तीव्र
न्याय माग्दै धर्ना, न्याय नपाए प्रशासन कार्यालय अगाडि प्राण त्याग्न तयार
मेलबर्नमा छुरा आक्रमणकारी हुसेन खालिफको पासपोर्ट सन् २०१५ मै रद्द गरिएको खुलासा
शरणार्थीको मामिलामा डोनाल्ड ट्रम्प कठोर, मेक्सिकोतिरबाट आए सिधै आउट
२०१९ मा हुने महिला विश्वकप फुटबल प्रतियोगिताका लागि अहिले नै लाखौँ टिकट बिक्री
भाईटीका लगाउनै नेपाल आइपुग्छन् विदेशी पर्यटक, अन्तरदेशीय सम्बन्ध जोड्दै भाइटीका
English