सिड्नीमा नेपाल फेष्टिभलको तयारी, एनआरएनले बनायो २८ उपसमिति

गैरआवासीय नेपाली संघ अष्ट्रेलिया न्यूसाउथवेल्स राज्य समितिको आयोजनामा आगामी नोभेम्बर २४ तारिखका दिन सिड्नीमा नेपाल फेष्टिभल आयोजना हुने भएको छ । हरेक दुई वर्षमा हुँदै आएको नेपाल फेष्टिभलमा नेपाली गीत, संगीत, खानाका साथै नेपालको प्रबद्र्धन गरिन्छ । नेपाल फेष्टिभललाई सफल तुल्याउनका लागि गैरआवासीय नेपाली संघ अष्ट्रेलियाले आफ्ना पदाधिकारी र नेपाली समूदायका अन्य संघ संस्थाका व्यक्तिहरुलाई समेत समेटेर २८ वटा उपसमिति निर्माण गरेको छ ।

Photo of 2016 Nepal Festival by : SBS NEPALI

सिड्नीको नेपाल फेष्टिभलका संयोजक नन्द गुरुङले दिएको जानकारी अनुसार नेपाल महोत्सवको उपसंयोजकमा डिला खरेल रहेका छन् भने सचिवमा देव गुरुङ र पूजा चन्द तोकिएका छन् । मुख्य कमिटीमा ५० जनाभन्दा बढी सदस्य छन् । नेपाल महोत्सवको आयोजना एनआरएन अष्ट्रेलियाले नेपाली दूतावास, महावाणिज्यदूतको कार्यालय, न्यूसाउथवेल्समा रहेका विभिन्न गैरनाफामूलक संघसंस्थाहरु, नेपाली व्यापारिक समूह, नेपाल पर्यटन बोर्ड न्यूसाउथवेल्स प्रतिनिधिको समेत सहकार्यमा गर्न लागेका हुन् । आयोजक कमिटीका उपसंयोजक डिला खरेलका अनुसार बनाइएका २८ वटा कमिटीमध्ये सल्लाहकार समितिमा ४२ जना छन् । यस्तै पर्यवेक्षण कमिटीको संयोजन एनआरएनकी संरक्षक ईन्द्रा वनले गर्नेछिन् भने अन्य १५ जना सदस्य छन् । यस्तै कार्यक्रम व्यवस्थापन समितिको संयोजन नन्द गुरुङले गर्नेछन् भने उपसंयोजक कृष्ण गिरी तोकिएका छन्, कमिटीमा अन्य ७ जना सदस्य छन् । यस्तै स्थल व्यवस्थापन कमिटी, सांस्कृतिक व्यवस्थापन कमिटी, स्टल व्यवस्थापन कमिटी, स्वयंसेवक व्यवस्थापन कमिटी, प्रायोजन कमिटी, अतिथि निमन्त्रणा कमिटी, बजार र प्रबद्र्धन कमिटी, मिडिया म्यानेजमेन्ट कमिटी, अतिथि सम्बन्ध कमिटी, पर्यटन प्रबद्र्धन कमिटी, फन्डरेजिङ कमिटी, लजिष्टिक म्यानेजमेन्ट कमिटी, आईटी म्यानेजमेन्ट कमिटी, हस्पिटालिटी कमिटी, फस्र्ट एड कमिटी, नेप्लीज कम्युनिटी लियाजो कमिटी, अदर कम्युनिटी लियाजो कमिटी, सेक्युरिटी म्यानेजमेन्ट कमिटी, साउन्ड, लाईट म्यानेजमेन्ट कमिटी, फोटो एण्ड भिडियो म्यानेजमेन्ट कमिटी, स्टेज म्यानेजमेन्ट कमिटी, नेपाल परेज कमिटी, नेपाल हाउस म्यानेजमैन्ट कमिटी, स्मारिक प्रकाशन कमिटी, अन्तर्राष्ट्रिय मिडिया म्यानेजमेन्ट कमिटी रहेका छन् । पूरै लिष्ट हेर्न यहाँ क्लीक गर्नुहोस् । नेपाल फेष्टिभलमा सहभागी हुन नेपालबाट पनि सरकारी अधिकारीहरु, कलाकार, व्यवसायी आउने गरेका छन् । नेपालमा गएर फर्किएका स्थानीय अष्ट्रेलियनहरु, यहाँका सरकारी अधिकारीका साथै अन्य स्थानीय अष्ट्रेलियन कार्यक्रममा सहभागी हुने गरेका छन् । यस पटकको नेपाल फेष्टिभलको नारा ‘वन कन्ट्री, मेनी स्टोरीज’ रहेको छ ।

(Visited 2,245 times, 1 visits today)

सम्बन्धित समाचारहरू

अष्ट्रेलियाबाट ‘जर्नी टु नेपाल अभियान’ चलाउँदै दूतावास, बिहीबार सुरुवात गर्ने
मलेशियामा विषालु रक्सी सेवनबाट ६ नेपालीको मृत्यु, १७ बिरामी
सदस्यहरुलाई कार्ड वितरण गर्दै एनआरएन, पहिलो लटमा आए एक हजारको परिचयपत्र
मन्त्री र पूर्वमन्त्रीसँग सिड्नीमा अन्तरक्रिया, एउटा गाउँ बनाउने जिम्मा अष्ट्रेलिया बस्ने साथीहरुले लिनुस् : जनार्दन शर्मा
बलात्कारपछि हत्या गरिएकी बालिका निर्मला पन्तलाई न्याय माग्दै सिड्नीमा ऐक्यबद्धता
कञ्चनपुरकी बालिका निर्मला पन्तको बलात्कार र हत्या अनुसन्धानमा खटिएका सबै प्रहरी निलम्बित
सिड्नीमा सुरु भयो पहिलो नलेज कन्फरेन्स, एनआरएनले देश विकासमा हातेमालो गर्ने
बम योञ्जनलाई भिक्टोरियन मल्टिकल्चरल एवार्ड २०१८, गभर्नर हाउसमा हस्तान्तरण
साफ च्याम्पियनशीप जित्ने नेपालको सपना माल्दिभ्सले ध्वस्त बनायो, तीन शून्यले पराजित
सिड्नीमा नेपाल फेष्टिभलको तयारी, एनआरएनले बनायो २८ उपसमिति
English