सुशील चालिसेको मुक्तक संग्रहको मेलबर्न बिमोचन, साहित्यसँगै समाजसेवा

अष्ट्रेलिया निवासी नेपाली साहित्यकार सुशील चालिसेको पुस्तक गुराँसहरु, पलाँसहरुको मेलबर्नमा बिमोचन गरिएको छ । नेपालमा केही समय अघि विमोचन गरिएको पुस्तक मेलबर्नवासीका लागि छुट्टै विमोचन गरिएको हो । मेलबर्नको ब्रन्सविकमा रहेको साईप्रस हलमा शनिबार आयोजना गरिएको कार्यक्रममा भिक्टोरियाका लागि नेपाली अवैतनिक महावाणिज्यदूत चन्द्र योन्जनसहित अन्य अतिथिगणले पुस्तक विमोचन गरे । यसअघि पुस्तकको परिचय, विवेचना र समालोचना गर्नुका साथै विभिन्न श्रष्टाले आफ्ना सिर्जना पनि उपस्थित दर्शकमाझ पस्केका थिए । कृतिमाथि रामकुमार श्रेष्ठले समालोचना गरेका थिए । उनले गजलमा आवश्यक पर्ने सबै तत्व यसमा समेटिएको भन्दै सर्जक चालिसेलाई बधाई दिए । कार्यक्रममा बोल्दै महावाणिज्यदूत योञ्जनले भिक्टोरियालाई अष्ट्रेलियको नेपाली साहित्य केन्द्र बनाउन आह्वान गरे । सोही क्रममा बोल्दै साहित्यकार चालिसेले श्रीमान गम्भीर नेपाली राष्ट्रिय गानका सर्जक चक्रपाणी चालिसेको परिवारकै सदस्य भएका नताले आफुलाई लेखनमा रुचि बढेको र मुक्तक संग्रह प्रकाशित गरेको बताए । प्रवासमा व्यस्तताका बाबजुद नेपाली साहित्यको सेवा गर्न पाउँदा आफुलाई खुशी लागेको पनि उनले सुनाए । पुस्तकमा एक सय ५० वटा गजल समेटिएको छ । विमोचन कार्यक्रममा बिक्री भएको पुस्तकको ५० प्रतिशत रकम बाल चौतारीका बालबालिकाहरुलाई हस्तान्तरण गरिने जानकारी समेत गराइएको थियो ।

(Visited 90 times, 1 visits today)

सम्बन्धित समाचारहरू

छठीमाईको आराधना
मेलबर्नमा भव्य बन्यो छठ पर्व, भिक्टोरियाका मन्त्रीले गरे हिन्दूत्वको प्रशंसा
दुलहीजस्तै सिंगारिए छठ घाट
पत्नी सीताको उपचारका लागि म्याग्दी पुगे प्रचण्ड, तातोनी कुण्डमा विताए दुई घण्टा
प्रधानमन्त्रीको परराष्ट्र सल्लाहकारमा डा. राजन भट्टराई नियुक्त
बालिका र युवतीमाथि सात युवकले गरे सामूहिक बलात्कार, सातै फरार
छठको तयारी तीव्र
न्याय माग्दै धर्ना, न्याय नपाए प्रशासन कार्यालय अगाडि प्राण त्याग्न तयार
मेलबर्नमा छुरा आक्रमणकारी हुसेन खालिफको पासपोर्ट सन् २०१५ मै रद्द गरिएको खुलासा
शरणार्थीको मामिलामा डोनाल्ड ट्रम्प कठोर, मेक्सिकोतिरबाट आए सिधै आउट
English